Fe fydd Aelodau Seneddol yn ystyried ystod eang o opsiynau gwahanol ar gyfer Brexit heddiw (dydd Mercher, Mawrth 27) ar ôl iddyn nhw gipio grym oddi ar y Llywodraeth yn Nhŷ’r Cyffredin.

Cafodd Llywodraeth y Prif Weinidog, Theresa May, ei threchu o 329 i 302 ddydd Llun (Mawrth 25) ar ôl pleidlais yn y Tŷ.

Nid oes sicrwydd o ran pa system bleidleisio fydd yn cael ei defnyddio heddiw, ond mae’n debygol y bydd Aelodau Seneddol yn cael pleidlais ‘ie’ a ‘na’ i bob opsiwn.

Mae amrywiaeth o opsiynau wedi cael eu cyflwyno ac mi fydd llefarydd Tŷ’r Cyffredin, John Bercow, yn dewis rhai ar gyfer y drafodaeth a’r bleidlais heddiw.

Mae’r opsiynau yn cynnwys:

–    Cynllun Llafur

–    Marchnad gyffredin 2.0

–    Pleidlais gyhoeddus

–    Undeb tollau

–    Cynllun cyfaddawdu cynllun iechyd A

–    Diddymu Erthygl 50

–    Diddymu yn hytrach na dim cytundeb

–    Undeb tollau newydd

–    EEA/ EFTA heb undeb tollau

–    Brexit heb gytundeb

–    Gadael cytundeb wrth gefn Gogledd Iwerddon

–    Caniatâd sefydliadau datganoledig

–    Parchu canlyniadau’r refferendwm