O wefan Transport for London
Mae trafodaethau i atal streic gan weithwyr system tanddaearol Llundain wedi dod i ben heddiw gan beryglu hwylustod teithio i bencampwriaeth tenis enwoca’r byd.
Mae’r gweithwyr yn bwriadu cynnal streic mewn protest yn erbyn diswyddiad y gyrrwr
trenau, Arwyn Thomas.
Mae Undeb Cenedlaethol y Gweithwyr Rheilffordd, Morwrol a Thrafnidiaeth wedi cyhuddo penaethiaid tiwb Llundain o wrthod trafod ail benodi’r gyrrwr i’w swydd.
‘Diswyddo annheg’
Mae Arwyn Thomas wedi gwneud cais am ddiswyddo annheg mewn tribiwnlys cyflogaeth c mae disgwyl y canlyniad erbyn diwedd y mis.
Mae’r undeb yn bwriadu cynnal cyfres o streiciau sy’n dechrau nos Sul ac fe fyddai hynny’n cael effaith ar ddechrau cystadleuaeth tenis Wimbledon.
Roedd yr undeb a phenaethiaid tiwb Llundain wedi cynnal trafodaethau am ddwy awr heddiw, ond mae’r undeb yn dweud bydd y streicio yn parhau.
