Mae dau ddyn wedi cael eu harestio ar amheuaeth o droseddau brawychol yn ymwneud a Syria.
Cafodd y ddau ddyn, sy’n 26 oed ac yn dod o ardal Walsall, eu harestio bore ma, meddai heddlu Canolbarth Lloegr.
Dywed swyddogion bod y ddau wedi cael eu harestio fel rhan o ymgyrch sydd ar y gweill, ac yn gysylltiedig ag arestio dau ddyn 25 a 32 oed yn Walsall ddydd Mawrth ar amheuaeth o droseddau brawychol.
Mae’r ddau gafodd eu harestio yn gynharach yr wythnos hon yn parhau yn y ddalfa, meddai’r heddlu.
Mae swyddogion yn chwilio nifer o eiddo yn ardal Walsall sy’n gysylltiedig â’r rhai sydd wedi’u harestio.
Nid oedd unrhyw fygythiad uniongyrchol i ddiogelwch y cyhoedd, meddai’r heddlu.
