Yn ôl Ysgrifennydd Tramor San Steffan, mae Llywodraeth Prydain “yn ochri gyda theulu” Harry Dunn.
“Mae yna ddiffyg cyfiawnder yma, mae yna gais estraddodi o hyd ac rydym wedi galw ar Anne Sacoolas i ddychwelyd ac ar ein partneriaid Americanaidd i hwyluso hynny, rydyn ni wedi gwneud hynny’n gyson drwyddi draw,” meddai wrth raglen Sophy Ridge on Sunday ar Sky.
“Does dim mesurau y gallem eu cymryd mewn modd credadwy, realistig sydd rywsut yn mynd i orfodi’r Unol Daleithiau na chwaith Anne Sacoolas i gydymffurfio â hyn.
“Ond dw i eisiau bod yn realistig oherwydd dw i ddim eisiau codi disgwyliadau sy’n mynd i siomi, ond rydyn ni wedi codi hyn ar bob lefel.
“Dw i wedi ei godi, rydyn ni wedi ei godi yn Washington, mae’r prif weinidog wedi ei godi gyda’r Arlywydd Trump a byddwn yn parhau i egluro ein bod ni ar ochr y teulu yma, rydyn ni’n credu y dylai hi ddychwelyd, rhaid iddi ddychwelyd adref fel bod modd gweithredu cyfiawnder.”
Ymateb teulu Harry Dunn
“Dydy hi ddim bellach yn ddigon da… eu bod nhw’n ei godi o hyd,” meddai.
“Dydy hynny ddim yn golygu dim i’r teulu.
“Mae angen iddi ddychwelyd. Mae canlyniadau i weithredoedd.
“Mae hyn yn un o achosion gwaetha’r Unol Daleithiau o safbwynt camddefnyddio hawliau dynol o ran dinesydd Prydeinig, teulu Prydeinig.
“Ble mae’r berthynas arbennig?”
