Mae heddlu wedi dod o hyd i werth miliynau o arian ffug yng nghanol Manceinion.
Roedd plismyn Heddlu Greater Manchester wrthi’n ymchwilio i achos o dwyll yn ymwneud â gwerth miliynau o bunnau o emwaith, pan rwystron nhw bedwar dyn yng ngwesty’r Portland Thistle brynhawn ddoe.
Roedd gan y dynion yn eu meddiant arian ffug gwerth mwy na dwy filiwn ewro, ynghyd â £50,000 o ewros dilys, a gwerth dros £100,000 o watshys drud.
Maen nhw wedi’u harestio ar amheuaeth o dwyllo, ac maen nhw’n dal i fod yn y ddalfa yn cael eu holi.
