Codi gwersyll atal ffracio yn Swydd Gaerhirfryn

Mae gwersyll wedi’i godi yn Swydd Gaerhirfryn, er mwyn protestio yn erbyn cwmni ffracio sy’n bwriadu cynnal archwiliad o’r ardal.

Mae gwersyll ‘No Dash for Gas – Reclaim The Power’ yn ardal Fylde yn agos iawn at ddau safle drilio gan gwmni Cuadrilla.

Mae trefnwyr y brotest yn dweud eu bod yn disgwyl hyd at 1,000 o bobol fod yn rhan o’r gwersyll dros y chwe diwrnod nesa’ er mwyn protestio’n erbyn y cwmni sy’n gobeithio dod o hyd i nwy sial dan ddaear.

Y llynedd, fe fu Reclaim The Power yn rhan o wersyll yn Balcombe, Sussex, a oedd hefyd yn protestio yn erbyn bwriad Cuadrilla i ddrilio am nwy dan ddaear yn y fan honno.

Fe gafodd nifer o bobol eu harestio am iddyn nhw rwystro loriau rhag mynd a dod o’r safle.

Mae Cuadrilla, ar y llaw arall, yn creu fod basn y Bowland yn Swydd Gaerhirfryn yn ffynhonnell dda o nwy sial.