Mae dyn wedi’i arestio yn dilyn marwolaeth merch 17 oed mewn damwain ffordd.
Bu farw Estelle Thompson o Burnley, Swydd Gaerhirfryn, yn y fan a’r lle, wedi i’r car Ford Ka lliw arian yr oedd hi’n teithio ynddo fod mewn gwrthdrawiad â wal ger pont dros gamlas.
Fe gafodd gyrrwr y Ford Ka, dyn 18 oed o Burnley, ei gludo i’r ysbyty, cyn ei arestio’n ddiweddarach ar amheuaeth o achosi marwolaeth trwy yrru’n beryglus.
Mae heddlu’n apelio am dystion i’r digwyddiad ar Manchester Road, Hapton, Burnley, tua 5.40yb heddiw. Maen nhw’n parhau i holi’r dyn 18 oed sydd yn y ddalfa.
