Mae tair dynes wedi cael eu hachub, wedi i gar blymio 30 troedfedd tros ymyl clogwyn.
Roedd dyn a phedair dynes y tu mewn i’r car pan aeth dros ymyl y ffordd ar Cliff Road yn Birchington, Caint, toc wedi 9yh neithiwr.
Fe landiodd y car ar ei do, gyda thair o’r merched yn sownd y tu mewn.
Fe fu’n rhaid i’r gwasanaethau brys dorri’r merched yn rhydd, cyn cael eu cludio mewn ambiwlans i Ysbyty William Harvey yn Ashford.
Fe fu’r ffordd ar gau am ddwyawr tra’r oedd y gwasanaethau brys yn gwneud eu gwaith.
