Mae merch chwe blwydd oed wedi’i lladd, a dynes wedi’i hanafu’n ddifrifol, mewn damwain car yn Wiltshire.
Fe ddigwyddodd y ddamwain toc cyn 1yp ddoe yn ardal Marston Meysey yn Cricklade.
Mae heddlu wedi cadarnhau fod Land Rover Discovery lliw glas yn cario’r ferch fach, dau fachgen a gwraig, wedi bod mewn gwrthdrawiad. Doedd yna’r un car arall yn rhan o’r digwyddiad.
Bu’r ferch fach farw yn y fan a’r lle. Dyw hi ddim wedi cael ei henwi’n swyddogol eto. Fe gafodd y ddynes a’r bechgyn eu cludo i’r ysbyty mewn hofrennydd.
