Bruce Springsteen ar daith
Roedd nifer o gerbydau oedd yn cludo offer i gig Bruce Springsteen yn Leeds Arena neithiwr wedi derbyn tocynnau parcio.
Hon oedd y gig gyntaf yn y lleoliad newydd sy’n werth £60 miliwn.
Cafodd y tryciau eu parcio ar stryd ger yr Arena sy’n dal 13,500 o bobol.
Mae Cyngor Dinas Leeds wedi ymddiheuro ac wedi dweud na fydd yn rhaid talu’r ddirwy.
Maen nhw hefyd wedi addo cynnal ymchwiliad.
Does dim sicrwydd a oedd y cerbydau’n torri rheolau parcio, na chwaith beth oedd swm y ddirwy.
Dywedodd arweinydd Cyngor Dinas Leeds mai “twpdra” oedd yn gyfrifol am y digwyddiad.
“Mater o ymwybyddiaeth oedd hi.
“Mae lorïau i fod i barcio oddi ar y safle a chael eu galw i mewn i’r Arena.”
Bydd y lleoliad yn cael ei agor yn swyddogol ar Fedi 4.
Roedd y gig neithiwr yn rhan o daith byd y ‘Boss’.
