Mae’r Ceidwadwyr Cymreig wedi galw drachefn ar Lywodraeth Cymru i gynnal ymchwiliad Covid-19 penodol i Gymru.
Yn dilyn uwchgynhadledd rhwng Prif Weinidog Prydain ac arweinwyr y Llywodraethau datganoledig, fe wnaeth Prif Weinidog Cymru Mark Drakeford drydar:
“Heddiw, pwysais ar y PM am warant y byddai ymchwiliad covid y DU yn archwilio’n briodol weithredoedd @WelshGovernment a phrofiadau pobl Cymru. Cadarnhaodd y PM y bydd dimensiwn Cymreig priodol i’r ymchwiliad a soniodd am ei bwysigrwydd i’r DU gyfan.”
Today I pressed the PM for a guarantee the UK covid inquiry would properly examine the actions of @WelshGovernment and experiences of the people of Wales.
The PM confirmed there will be a proper Welsh dimension to the inquiry and spoke of its importance to the whole of the UK.
— Mark Drakeford (@fmwales) October 18, 2021
Yn ddiweddarach, trydarodd Teuluoedd mewn Profedigaeth Covid-19 dros Gyfiawnder-Cymru:
We are still reeling from this.
A vague, disrespectful delivery of news to us and contrary to the devolved way that Wales governs. What are we missing here? Are we part of a political agenda? ?
Please help us https://t.co/62bVPB7dpb https://t.co/D7ahghGkuf— Covid-19 Bereaved Families for Justice- Cymru (@cymru_inquiry) October 19, 2021
Mae Plaid Cymru hefyd yn galw am ymchwiliad penodol i Gymru.
‘Beth mae Llafur yn cuddio?’
Wrth ymateb, dywedodd Russell George AoS, llefarydd y Ceidwadwyr Cymreig ar Iechyd: “Cymru sydd â’r gyfradd marwolaethau Covid uchaf yn y Deyrnas Unedig ac mae dros 8,000 o bobol wedi marw yn ystod y pandemig, gyda chwarter ohonynt wedi cael yr haint yn yr ysbyty.
“Mae eu teuluoedd yn haeddu atebion, a chraffu annibynnol, llawn ar y penderfyniadau a wneir gan weinidogion Llafur.
“Mae teuluoedd mewn profedigaeth, grwpiau meddygon ac elusennau’r ysgyfaint i gyd yn galw ar Mark Drakeford i dderbyn y craffu y mae pob democratiaeth yn ei haeddu.
“Fel arall, bydd y cwestiwn yn codi: beth mae gweinidogion Llafur yn cuddio?”
