Gan nad yw cefnogwyr yn gallu mynychu gemau’r Chwe Gwlad eleni, mae rhaglen deledu Jonathan ar S4C wedi creu’r Haka Gymreig, ac yn apelio ar wylwyr i berfformio’r ddawns eu hunain i ddangos eu cefnogaeth i dîm rygbi Cymru.
Mae’r fersiwn Gymreig o’r ddawns rhyfel maori wedi ei hysbrydoli gan rai o sêr rygbi amlycaf Cymru gan gynnwys Gareth Edwards, Shane Williams ac Alun Wyn Jones.
Fe gafodd yr Haka Gymreig ei chreu gan y dawnsiwr a’r actor Geraint Rhys Edwards, ar gyfer sgets gomedi ar raglen Jonathan ble mae’n actio rôl yr ymgynghorydd Cysylltiadau Cyhoeddus, ‘Phil Reynolds’ – neu ‘PR PR’.
Cafodd y ddawns ei gweld am y tro cyntaf ar raglen Jonathan neithiwr, sef nos Iau, Chwefror 25, lle’r oedd Shane Williams ei hun, a chyflwynwyr y rhaglen, Jonathan Davies, Nigel Owens a Sarra Elgan, yn rhoi cynnig arni.
Ac mae criw Jonathan yn gwadd y gwylwyr i ffilmio eu hunain yn rhoi tro ar yr Haka Gymreig, ac anfon y canlyniadau draw i’w dangos ar y rhaglen.
Be chi'n meddwl am y Haka newydd i Gymru? ???????
Eisiau cael tro arni – anfonwch ei fideos mewn i ni! ??What do you think of the new Haka for Wales? ???????
Want a go at it -send your videos in to us!??@geraint_rhysJonathan | Heno | @S4C pic.twitter.com/H3BeW76NVa
— JONATHAN (@JonathanS4C) February 25, 2021
Mae Cymru yn ail yn y Chwe Gwlad ar hyn o bryd y tu ôl i Ffrainc, ac ar ôl curo Iwerddon a’r Alban gallai Cymru ennill y Goron Driphlyg pe bai nhw’n trechu Lloegr brynhawn Sadwrn.
Cymru v Lloegr ar S4C brynhawn dydd Sadwrn gyda’r gic gyntaf am 4.45.
