Mae cefnogwyr Cymru wedi ymateb yn chwyrn i’r newyddion na fydd y capten Gareth Bale yn gwisgo’r band ‘OneLove’ am ei fraich yn ystod Cwpan y Byd.
Yn hytrach, byddan nhw’n gwisgo band “Dim Gwahaniaethu”.
Cafodd pob tîm rybudd gan FIFA y byddai unrhyw gapten sy’n gwisgo’r band yn cael cerdyn melyn yn syth ar ôl y gic gyntaf pe baen nhw’n gwrthod cadw at y rheol.
Roedd nifer o gapteniaid a gwledydd wedi ymrwymo i ddangos solidariaeth drwy wisgo’r band.
Y gwleidyddion yn ymateb
Dywedodd arweinydd Plaid Cymru, Adam Price, ar Twitter: “Rhaid i FIFA wrthdroi ei benderfyniad niweidiol, diraddiol.
“Mae @cymru wedi gweithio’n galed i wneud y gêm yn ddiogel + cynhwysol.
“Rhaid cario’r neges honno o gariad + cynwysoldeb i mewn i’r 🌎 heb ofn na chasineb.
“Rhaid i FIFA amddiffyn hawliau pobol LHDT+ dim ots lle mae’r gêm yn cael ei chynnal. #uncariad”
FIFA must reverse its hurtful, demeaning decision. @cymru has worked hard to make the game safe + inclusive. That message of love + inclusivity must be carried into the 🌎 without fear or hate. FIFA must defend the rights of LGBT+ people no matter where the game is held. #onelove https://t.co/58f9dGYPxq
— Adam Price 🏴🏳️🌈 (@Adamprice) November 21, 2022
Dywed Llyr Gruffydd, Aelod Plaid Cymru o’r Senedd dros Ogledd Cymru ei fod yn “mawr obeithio y bydd yr holl ffederasiynau cenedlaethol yn dod at ei gilydd ar ôl Cwpan y Byd i glirio arweinyddiaeth FIFA”.
“Naill ai hynny neu ystyried o ddifrif gadael FIFA.
“Mae’r twrnament hwn yn troi’n bwynt isel iawn yn hanes pêl-droed.”
I really hope that all national federations come together after the World Cup to clear out the FIFA leadership. Either that or seriously consider leaving FIFA.
This tournament is turning into a real low point in the history of football.#fifafail https://t.co/1xLfas91TI— Llyr Gruffydd AS/MS (@LlyrGruffydd) November 21, 2022
‘Dydi arian byth yn cuddio lot am hir’
Mae Yws Gwynedd, y cerddor a rheolwr y label Recordiau Côsh, wedi ymateb ar ffurf cân.
“Sut ar ddaear gafodd ffasiwn le llwyfannu cwpan rwbath mwy na te?
“Caethweision wedi marw jest er mwyn i nhw gael cadw at addewid oedd yn byth i ddod yn wir.
“I olchi’n lân y gwaed sydd ar eu tir, ond dydi arian byth yn cuddio lot am hir.”
🏳️🌈 pic.twitter.com/LqI6T7RcTx
— Ywain Gwynedd (@ywsgwynedd) November 21, 2022
