Mae’r heddlu wedi atafaelu mwy na 700 o blanhigion canabis o dŷ yn ardal Glanyrafon yng Nghaerdydd.
Roedd nifer o gerbydau a swyddogion Heddlu De Cymru ar Brook Streer yn cael gwared ar y planhigion fore dydd Mawrth (Mai 4).
Dywedodd yr heddlu bod y tŷ bellach wedi’i wneud yn ddiogel a bod swyddogion yn parhau â’u hymholiadau.
Dywedodd llefarydd ar ran Heddlu De Cymru: “Cafodd ffatri ganabis fawr ei darganfod mewn eiddo ar Brook Street.
“Mae’r eiddo wedi’i wneud yn ddiogel ac mae mwy na 700 o blanhigion, ac offer, wedi’u cymryd.
“Mae ymholiadau’n parhau i ddod o hyd i’r rhai sy’n ymwneud â chynhyrchu’r cyffur.”
