BBC ac Eos: Awdures yn ymuno â’r boicot

Angharad Tomos wedi gwrthod yr hawl i’r BBC ddarlledu ei stori fer

14 Ionawr 2013

Angharad Tomos
Mae awdures flaenllaw wedi gwrthod yr hawl i’r BBC ddarlledu un o’i straeon byrion hyd nes y bydd y Gorfforaeth wedi datrys ei ffrae gyda chorff Eos.

Dywedodd Angharad Tomos ei bod hi wedi gwneud y penderfyniad er mwyn cefnogi cerddorion sydd mewn trafodaethau gyda’r BBC ynghylch derbyn taliadau uwch i ddarlledu eu caneuon.

Roedd disgwyl i’r stori fer gael ei darlledu ar Radio Cymru ym mis Mawrth.

Dywedodd Angharad Tomos wrth Golwg360: “Jyst rhywbeth i gefnogi’r ymgyrch yw hyn. Does gen i ddim cymhellion personol. Dwi jyst yn un o wrandawyr cyson Radio Cymru.”

Wedi iddi roi gwybod i’r BBC na fyddai’n rhoi’r hawl iddyn nhw ddarlledu’r stori fer, cafodd Angharad Tomos lythyr uniaith Saesneg gan yr Adran Hawlfraint Lenyddol.

“Dwi wedi cyfrannu i Taro’r Post droeon yn y gorffennol, a bob tro wedi derbyn cytundeb yn ddwyieithog.

“Os bu adeg i weithredu, dyma’r adeg. Mae’n hynod anffodus bod hyn wedi digwydd nawr. Dwi’n cymryd bod gan yr Adran Hawlfraint yn Llundain ffordd o weithredu yng Nghymru er eu bod nhw’n ganolog.

“Dwi wedi dechrau gresynu.”

Ychwanegodd y dylai’r BBC fod yn ymwybodol o’r Ddeddf Iaith, “yn enwedig efo cyrff sy’n gweithredu o’r tu allan”.

Ymhlith y rhai sydd wedi gwrthod cyfrannu at raglenni Radio Cymru nes iddyn nhw ddatrys yr anghydfod gyda cherddorion Cymraeg mae Dewi Pws, timau Talwrn y Beirdd, yr Archdderwydd Jim Parc Nest a’r canwr Gruff Rhys.

Mae Golwg360 wedi gofyn i’r BBC am ymateb.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

40 sylw

barcud 14 Ionawr 2013, 11:48

Mae angen piced tu allan y Bib i godi cywilydd arnynt

Marc 14 Ionawr 2013, 11:58

Da iawn chi, Angharad. Gobeithio y bydd llawer mwy yn dilyn eich esiampl.

Bedwyr Clwyd Griffiths 14 Ionawr 2013, 13:37

Da iawn Angharad Tomos a phawb arall sy cefnogi EOS.

Sut all gweithwyr BBC yng Nghymru cysgu o gwbl yn gwybod bod nhw gweithio i sefydliad sy’n bradychu Cymru a sarhau ein iaith!

G M Hughes 14 Ionawr 2013, 15:30

Dyma un arall o’r clwb. Twt-twt. Pe bae’r bobl sy’n boicotio yn gwir garu’r Gymraeg, wel, a ddylen nhw’n weithredu fel hyn er budd eu poced eu hunain? Dyna sydd o’i le yng Nghymru – siarad brwd dros yr iaith, ond fawr o awydd aberthu dim ‘chwaith.
Gyda llaw, mae amryw’n honni bod rhaglenni Radio Cymru yn well yn awr nag maen nhw wedi bod ers talwm!

Guto Goch 14 Ionawr 2013, 15:49

Beth bynnag mae rhywun yn ei feddwl am ymgyrch EOS, mae’r miri ma wedi dangos nad yw’r BBC ar hyn o bryd yn addas at y diben o reoli gwasanaeth darlledu cenedlaethol mewn gwlad ddatganoledig.

Bedwyr Clwyd Griffiths 14 Ionawr 2013, 15:57

Guto – BBC = Bwrdd Bradychu Cymru!

Jac 14 Ionawr 2013, 17:34

Da iawn Angharad.

irfon 14 Ionawr 2013, 19:22

Wrth gwrs mae’r lleiafrif bach, bach, bach yn hapus i ddefnyddio’r anghydfod yma yn eu Brwydr Fawr yn erbyn ‘Llundain’ (neu beth bynnag goblyn mae ‘Llundain’ yn ei gynrychioli iddynt) ond y gwir anghyfforddus ydi fod y ‘werin’ go iawn yn malio fawr ddim- os o gwbl. (Fydd na ddim protestiadau. Dim streic- sori bois). Mae gan y cyfansoddwyr bwynt ac, yn bersonol, mae gen i gydymdeimlad ( er mai dim ond canran fechan iawn o’r ‘30,000’ sanctaidd sydd yn cael eu chwarae ar Radio Cymru yn reolaidd) ond, yn anffodus iddyn nhw (a ni), mae eu dadl yn cael ei cam-gynrychioli a’i herwgipio gan y lleiafrif bach a’i agenda gwleidyddol cul. Biti.

Bedwyr Clwyd Griffiths 14 Ionawr 2013, 19:28

irfon yn dangos ei liwiau uwaith eto efo atgasedd at y Gymraeg. Trueni yw nad yw gweld sut mae BBC yn Llundain (ie, BBC yn Llundain sy rheoli pethau nid BBC yn Caerdydd, Bangor neu unrhyw le yng Nghymru) yn sarhau ein iaith a’r genedl drwy dangos dim parch at ein diwyllinat ond never mind, I’m alright Jack ie irfon?

irfon 14 Ionawr 2013, 19:56

Del- fel mae’n digwydd tydw i ddim yn alright Jac’. Dwi’n un o’r cyfansoddwyr gyda chaneuon eitha adnabyddus yn y 30,000.

Ond tydi’r agenda ‘gwleidyddol’ ddim yn helpu. Tydw i ddim yn casau ‘Llundain’. I ddeud y gwir- wedi byw yno am sawl blynedd- dwi’n tueddu i gytuno a dywediad enwog Dr Johnson.

(Drycha fo lan ar Google Del).

Colyn 14 Ionawr 2013, 19:58

Irfon, ‘y werin go iawn’? – does na’m fath beth yn bod…dydi’r ‘werin’ Gymraeg ddim yn gwrando ar ddim yn Gymraeg, yn darllen dim yn Gymraeg, yn llenwi ffurflenni’n Gymraeg na dim arall. Saeson ydyn nhw yn y bôn sydd yn digwydd siarad Cymraeg efo’i gilydd (a hwnnw’n Gymraeg gwael iawn ar adegau).

irfon 14 Ionawr 2013, 20:01

@Colyn. Felly be ydi dy bwynt di? A’i ‘sham’ ydi’r cyfan?

Bedwyr Clwyd Griffiths 14 Ionawr 2013, 20:03

Pam cwyno felly ar cefnogwyr EOS os wyt ti gyfansoddwr? BBC LLUNDAIN sy rheoli arian – ffaith! BBC LLUNDAIN sy dangos dim mymryn o barch at ein gwlad – ffaith! Ac os yw’r ‘gwerin’ yn poeni dim am hyn (wyt ti wedi gofyn i pob un ohonynt felly do?), wel, iawn felly, gad i ni gyd ganu Saesneg a dweud ta ta i’r Gymraeg. Dyna fydd diwedd os fydde pawb yn cymryd dy agwedd di o “I’m alright Jack, look after No1”

irfon 14 Ionawr 2013, 20:08

Del- tydwi ddim yn cwyno am ‘gefnogwyr Eos’. Cwyno dwi am rheini sydd yn defnyddio’r anghydfod i wthio eu agenda gwleidyddol cul eu hunain lawr ein gyddfa. Dwyt ti ddim yn helpu Del. Rili.

Wyt ti wedi BOD yn Llundain erioed?? Try it son. You might like it.

Bedwyr Clwyd Griffiths 14 Ionawr 2013, 20:17

irfon – do, nifer o weithiau waith a dwi’n hoff iawn o’r ddinas. Ond mae hynny’n amherthnasol i’r dadl. A dim ‘agwedd gwleidyddol’ yw hyn ond – faint o weithiau oes rhaid dweud – y ffaith yw, eto, BBC LLUNDAIN sy rheoli cyllid Radio Cymru? Deallt hyd hyn? Da iawn. A BBC LLUNDAIN a PRS sy gyda rheoli faint mae cerddorion Cymreig yn cael ar Radio Cymru, ac yn Llundain mae pencadlys y ddau sefyldiad – oce? deallt? fuaswn i rhyn mor grac os fuasa pencadlys nhw yn Newcastle neu Nairobi, y faith yw mae nhw trin ni yn sarhaus oherwydd bod nhw malio dim am y Gymraeg, trin ni fel baw ci, dim bod yn gwleidyddol yw hyn ond ail-dweud y ffeithiau os wyt it dallt i weld hynny? Os wyt ti ddim Duw a helpa ti.

Bedwyr Clwyd Griffiths 14 Ionawr 2013, 20:22

Ie, trin ni fel baw ci oherwydd mae Cymry Cymraeg yn targed hawdd, fuaswn nhw byth yn meiddio tori 90% o faint mae cerddorion BBC Alban neu network asiadd yn gael, ond y Gymraeg? Who cares. A mae agwedd fel ti yn helpu dim. Da iawn, gobeithio ti’n fodlon, ti sy wedi ennill…dwi isio bod yn Sais.

irfon 14 Ionawr 2013, 20:25

Wel wrth gwrs BBC yn Llundain sy’n rheoli cyllid Radio Cymru. Mae Radio Cymru yn rhan o’r ‘BBC’ ( Does na ddim ‘WBC’ eto) . Ac mae gan y BBC yn ganolog ddealltwriaeth a’r PRS ac mae hyn wedi gweithio am flynyddoedd. Yn bersonol dwi wedi gweld lot allai o arian yn ddiweddar oherwydd penderfyniad PRS ( nid y BBC ) i leihau taliadau Radio Cymru. Ond eto…rhaid i mi ddeud… os ydi PRS yn penderfynnu fod y taliadau yn seiliedig ar wrandawyr…mae’n anodd dadlau. Does gan hyn DDIM BYD i wneud ac agwedd ’sarhaus’ Llundain tuag at y iaith. London don’t give a shit either way. Dyna’r gwirionedd. A dyna pam ’da ni’n wastio amsar yn rhoi rhyw fath o sbin ‘wleidyddol’ ar hyn.

B Griffiths 14 Ionawr 2013, 20:39

@irfon, y peth gallach i wenud rwan ydi datganoli darlledu a’r cyllid yn nglwm a hynny i’r Senedd. Mae’n amlwg i bawb yn sgil yr anghytfod hon rhwng EOS a’r BBC yn Llundain bod diffyg parch at cerddorion Cymreig (Cymraeg a ddi-Gymraeg) mae EOS yn cynrhycholi. Nid bod yn “wleidyddol cul” beth bynnag mae hynny yn ei feddwl ydi hyn ond sefyll dros hawliau cerddorion Cymru – os nad yw EOS mynd ydi wneud hynny, pwy sy?

Bedwyr Clwyd Griffiths 14 Ionawr 2013, 21:04

Clyw clyw B Griffiths!

irfon 14 Ionawr 2013, 21:31

Tydw i yn bersonol ddim yn awyddus i ddatganoli darlledu.

Gyda llaw- mae Golwg unwaith eto wedi dweud eu bod wedi ‘ychwanegu sylw’ gen i..lond tydi nhw ddim wedi ymddangos.

Bedwyr Clwyd Griffiths 14 Ionawr 2013, 21:35

Os fysa hynny yn sicrhau tal teg i cerddorion fel ti, pam ddim irfon?? Mae Prydain wedi symud ymlaen gyda datganoli, efo llywodraethau datganoledig nawr ym mhob gwlad ond mae darlledu dal yn stuck yn ol yn 1997. Heb symud ymlaen dim.

irfon 14 Ionawr 2013, 23:03

Delwyn- Mae Cymru a’r Alban a Gogledd Iwerddon yn rhan o’r BBC. Yn bersonol dwi’n ffan mawr o’r gorfforaeth- er nad ydwi yn cytuno a phob agwedd o’i chyfansoddiad e.e. y rheolwyr di-ddiwedd. Ond fedrai ddim gweld sut fasa sefydliad masnachol yn medru sicrhau gwasanaeth fel Radio Cymru. Wrth gwrs tydi Radio Cymru ddim yn berffaith o bell ffordd ond heb siarter y BBC ar gyfer paratoi gwasanaethau ‘lleiafrif’ fel BBC Alba a Radio Cymru a’r Asian Network mae’n anodd gweld sut fasa hi’n bosib cynnal y fath orsafoedd. A ‘Llundain’- trwy’r drwydded da ni i gyf yn dalu- sy’n ariannu hyn. Beth fasa’n digwydd os fasa Cymru yn datganoli darlledu? Yr un shambles a ddigwyddodd hefo S4C? Mae en i ofn fod mod i ddim yn synhwyro mudiad ‘poblogaidd’ i gael rhyw fath o ‘Super Radio Cymru’ fel yr un wyt ti, reit siwr, yn obeithio fasa’n digwydd tu allan i’r BBC. Y gwirionedd trist ydi fod- fel mae Colyn wedi awgrymmu yn barod- gan y ‘werin’ ddim diddordeb. Mae 1,000 wedi sgwenn uat Clos Stephens. Ond mae gan Radio Cymru 150,000 o wrandawyr. Do the math.

Bedwyr Clwyd Griffiths 14 Ionawr 2013, 23:15

“Yr un shambles a ddigwyddodd hefo S4C?” – shambles a ddigwyddodd gan Llywodraeth San Steffan. Mae S4C heb datganoli i’r Senedd felly mae hynny’n gwbl anghywir, efallai os fysa fe fydda’r fath shambles heb ddigwydd a toriad enfawr yn ei cyllid. A mae’n amlwg ti moyn gweld BBC cario ymlaen cael ei rheoli am byth bythoedd gan San Steffan yn Llundain, adlewyrchu dim sut mae DU wedi newid a symud ymlaen yn datganoledig. Fysa lot fawr yn dweud bod hynny yn “….agenda gwleidyddol cul. Biti.” Ie, biti yn wir.

B Griffiths 14 Ionawr 2013, 23:38

@Delwyn, British nationalist ydi “irfon” felly wrth gwrs mae o’n erbyn datganoli Darlledu a datganoli pethau eraill hefyd. Be ydi dy enw di felly irfon? Wyt ti gweithio yn cyfryngau neu gwleidydd efallai….?

Guto Goch 15 Ionawr 2013, 08:18

O na, dim y lol ‘pwy wyt ti go iawn’ ma eto…

Dadleuon cryf gan Delwyn, a’r caswir gan Irfon. Ond nid dim ond Cymry ac Alan Partridge sy’n honni bod y BBC wedi canoli gormod yn Llundain, mae’r Gorfforaeth ei hun o’r un farn – pam gwario miliynau a chorddi gweithwyr wrth symud i Salford fel arall? Efallai ei bod yn annheg cyhuddo’r BBC o ryw wrthwynebiad diwylliannol i’r Gymraeg, ond mae’r drefn fel y mae hi yn anghydnaws â ffiniau gweinyddol cyfoes y Deyrnas Gyfunol.

irfon 15 Ionawr 2013, 09:06

@Delwyn a B- Wrth gwrs mae strwythr cenedlaethol y BBC yn bell o fod yn berffaith ond y gwir amdani ydi fod Cymru wedi gwneud reit dda ohoni yn ddiweddar. Doctor Who, Casualty, Torchwood, canolfan ddrama newydd sbon yn y Bae (gan gynnwys stiwdios a set ‘state of the art’ i Pobol y Cwm). Hyn yn ogystal a Radio Cymru a Radio Wales. O weld hyn dwi’n siwr fasa’r Alban neu rhannau o Loegr wrth eu bodd cael eu ‘rheoli o Lundain’ os mai dyma’r canlyniad!

Dwi’n cytuno a Rhodri Talfan pan mae o’n dweud mai nid lle y BBC ydi ariannu y ‘SRG’ (sydd ddim yna mewn gwirionedd- does neb yn prynu a does neb yn mynd i’r gigs). Mae Radio Cymru a Radio Wales wedi helpu lot o fandia ifanc yn y gorffennol a dwi’n siwr fydda nhw’n parhau i wneud hynny dan faner BBC Introducing. Ond, fel cerddor fy hun, mae rhaid i mi gyfadda i ryw fath o embarrasment pan dwi’n siarad hefo banidau ac artisitaid di-Gymraeg a pan dwi’n sylweddoli pa mor anodd ydi hi iddyn nhw gael unrhyw fath o sylw na thal yn yr un modd ac mae rhai artistiaid Cymraeg wedi fwynhau yn selog am flynyddoedd. Falla fod hyn yn ‘wake up and smell the coffee call’- a tydi hynny ddim yn beth drwg weithia.

Gareth 15 Ionawr 2013, 10:46

Ond yr un dadleuon ydi’r rheina dros beidio datganoli unrhyw rym i Gymru, mewn unrhyw faes, ie ddim? Na yn 97, irfon?

irfon 15 Ionawr 2013, 11:52

Gareth- felly beth wyt ti’n awgrymmu? Oherwydd fasa’r cynulliad byth yn medru fforddio’r fath fuddsoddiad. Teimlo falla fod y ‘galon’ yn rheoli’r ‘pen’ pan mae hi’n dod i fusnes darlledu a fod na agenda ’nash’ tu ol i bob dim a fiw i neb anghytuno (‘bradwr’ a.y.b). Brass tacks ta. Sut fasa’r ‘WBC’ yn gweithio? A sut fath o raglenni fasa ni’n gael? (Gan gofio fasa raid i chi baratoi rhaglenni ar gyfer y Cymry di-Gymraeg hefyd). Mi faswn i wrth fy modd ffendio allan be fasa’r arlwy.

Guto Goch 15 Ionawr 2013, 12:07

Lacrosse o Landaf? Ond o ddifrif, fyddai’n meddwl weithiau mai mwy o galon sydd ei angen ar ddarlledu yng Nghymru, ac efallai y byddai datgysylltu’r beipen bres o that London yn ysbrydoliaeth yn hynny o beth. Dybiwn i fod pawb sydd o blaid annibyniaeth yn gwybod y gellid disgwyl clec ariannol go enbyd pe bai’r dydd yn dod, ond dydio ddim mor far-fetched â hynny i goelio y byddai Cymru – a phawb sy’n byw ynddi – yn elwa yn y pen draw.

irfon 15 Ionawr 2013, 12:29

Guto Goch- i fod yn ‘real’ fan hyn (mae gormod o ‘galon’ yng Nghymru o bell ffordd a dyna be sy’n ein dal ni’n ol), wyt ti wir yn meddwl fasa na gynulleidfa i’r math o raglenni fasa ‘WBC’ yn greu ar ol i’r ‘beipen arian’ cael ei thorri? Mae ratings S4C yn uffernol o isel- dos fawr neb yn gwrando ar Radio Cymru (hyd yn oed cyn yr anghydfod diweddar). Saff i ti fasa’r ‘werin’ (os oes na ffashiwn beth) yn dal i wylio Coronation Street a Strictly. Falla fod ‘Lacrosse o Landaf’ yn fwy tebygol nag wyt ti’n feddwl…

Hedd Gwynfor 15 Ionawr 2013, 13:16

Irfon, mae pobl yn gofyn am ddatganoli grym darlledu A’R ARIAN sy’n gysylltiedig o Lundain i Gaerdydd. Ni fyddai hyn yn golygu llai o arian, ond yn gadael i bobl Cymru benderfynu ar sut i’w ddefnyddio. Byddai rhaglenni ‘rhwydwaith’ dal i’w darlledu ar y teledu yng Nghymru wrth gwrs, ond yn cael eu dewis a’u dethol yma. Mae pobl Cymru (a siaradwyr CYmraeg!) yn talu’r ffi drwydded hefyd!

Ond yn ôl at y pwynt Eos/BBC, nid gofyn am handouts mae’r cerddorion, na chwaeth gofyn i’r BBC gynnal y SRG, yn hytrach maent yn holi am dâl teg am eu GWAITH! Rydym yn gweld yn syth nad oes modd i Radio Cymru oroesi yn y tymor canol / hir dymor heb ganeuon Cymraeg – roedd oddeutu 40% o’r darlledu yn ganeuon Cymraeg cyn yr anghydfod – yr unig beth mae Eos/Cerddorion Cymraeg yn gofyn am yw tâl teg am eu gwaith, ac maen nhw fel pawb arall yn haeddu hynny. Pob lwc iddyn nhw, a diolch i bobl fel Gruff Rhys ac Angharad Tomos sydd wedi penderfynu eu cefnogi (ar golled ariannol iddyn nhw!)

irfon 15 Ionawr 2013, 13:45

Hedd- gyda pob parch, tydw i ddim yn clywed nag yn gweld ‘pobl yn gofyn am ddatganoli grym darlledu A’R ARIAN sy’n gysylltiedig o Lundain i Gaerdydd’. Falla bod un ne ddau ar y wefan yma (wrth gwrs!) ac un neu ddau ar y ‘chwith’ o Blaid Cymru ond tydi hynny ddim yn gynrychioledig iawn o Gymru gyfan.(O bell ffordd tybiwn i!). Mae Golwg 360 yn ddifyr ac yn ddiddorol ond mae’r rhan fwyaf o’r sylwebyddion yma (o be wela i) yn aelodau o Blaid Cymru ac yn awyddus iawn i gael annibyniaeth felly mae’r argraff chi’n gael o Gymru yma yn bell o fod yn un ‘cywir’.
Yn yr un modd does na fawr o stwr ‘boblogaidd’ (protesitiadau etc.) wedi ei achosi gan yr anghydfod Eos/BBC. O be dwi’n glywed mae llawer yn dweud fod well ganddyn nhw’r orsaf hefo llai o fiwsig a mwy o siarad.

Guto Goch 15 Ionawr 2013, 14:01

Irfon – fel ti’n ei ddeud, mae ratings S4C yn uffernol o wael, er yr holl bwyslais ar gynhyrchu rhaglenni slic o’r math y tybir sy’n denu gwylwyr. Mae’r SRG yr un fath i raddau – os dio’n gwerthu yn Lloegr, fe gaiff ei efelychu ‘by numbers’ yng Nghymru, ac i be ddiawl mae hynny’n dda? Wnaiff o ddim annog artistiaid newydd, gwreiddiol, o’r math sy’n dueddol o fuddsoddi talp go lew o’u henillion yn eu crefft. Mae nhw yn y lleiafrif. Dyna pam fod cymaint o ganeuon ‘newydd’ Cymraeg yn swnio fel reverb-drenched 80s power ballads, a rhaglenni Radio Cymru’n chwarae stwff ‘golden hour’ mewn slotiau ‘pop cyfoes’.

Pam ddim arbrofi, felly? Pam ddim tynnu’n tinau oddi ar y ffens? Gen ti bwynt am natur emosiynol llawer o Gymry – gan gynnwys fi, o bryd i’w gilydd – ond y pen sy’n ein peri i ddal gafael yn nghynffon côt y sefydliad Prydeinig, rhag ofn i ni golli ein priviliges, neu’n waeth fyth, rhag ofn i bethau newid.

irfon 15 Ionawr 2013, 14:35

Guto- dwi’n parchu be ti’n ddeud ac yn cytuno a llawer iawn o dy bwyntiau am roc/pop a theledu. Ond tydw i ddim yn cweit dallt sut mae annibyniaeth gwleidyddol yn mynd i wneud pethau’n well. Mae’n bosib bod yn greadigol ac yn wahanol heb orfod dychmygu ‘Cymru Rydd’ tybiwn i? I lot ohona ni mae Cymru yn eitha ‘rhydd’ fel mai.

Bedwyr Clwyd Griffiths 15 Ionawr 2013, 15:15

Fy hun rwy’n credu yn Gymru rydd a pam ddim? Mae gwledydd fel arfer yn gweithio yn well pan mae nhw rheoli eu hunain a chydweithio agos a gwledydd eraill – safbwynt sy ddigon rhesymol.

irfon 15 Ionawr 2013, 15:21

Digon teg B- mae gen bawb hawl i’w hegwyddorion a’i gwleidyddiaeth. Mae pawb yn rhydd i fynegi barn. (Hyd yn oed fi).

Bedwyr Clwyd Griffiths 15 Ionawr 2013, 15:37

Cytuno.

Guto Goch 15 Ionawr 2013, 15:44

Fe hoffwn i weld annibyniaeth er mwyn cael rhoi’r gorau i baldaruo am hunaniaeth y Cymry a phethau sentimental felly, peidio â gwastraffu egni yn pendroni a dadlau am bwy ydym ni, a chanolbwyntio ar fod yn genedl go iawn. Dwi’n gwbod fod hynny’n swnio’n utopian ar y naw, ond… you gotta dream, man.

Duwcs, mae hon yn drafodaeth go lew. Lle mae Ifor pan mae rhywun ei angen o?

aled g j 15 Ionawr 2013, 16:50

Falle bod Irfon yn iawn i ddweud bod emosiwn yn gor-yrru agenda cenedlaetholwyr weithiau, ond byddwn i’n anghytuno hefo fo mai dadl emosiynol yw galw am ddatganoli darlledu i Gymru. I’r gwrthwyneb, mae yna resymau hollol bragmataidd a rhesymegol dros ddilyn y trywydd hwn gan y byddai’n gorfodi ni fel Cymry i gael trafodaeth aeddfed am ein blaenoriaethau a sut orau i wario ein harian ni ar wasanaethau darlledu yn y ddwy iaith. Byddai hefyd yn gorfodi’r pleidiau unoliaethol i fynd y tu hwnt i’w mwyseiriau arferol am y Gymraeg, a dod o hyd i atebion ymarferol a chredadwy o ran cynnal yr iaith fel cyfrwng darlledu. Oes, mae yna botensial y byddai’n arwain at alwadau am wario llai o arian ar ddarlledu Cymraeg mewn cyfnod o doriadau, ond byddwn i’n hyderus bod modd ennill dadl gredadwy dros wario swm teilwng ar ddarlledu yn y Gymraeg a’r Saesneg yng Nghymru. Gyda’r arian a fyddai’n cael ei godi o drwydded Gymreig a swm ariannol a ddaw wrth “datganoli” gwasanaeth o Lundain, dydi hi ddim yn amhosib dychmygu y gellid cael dwy orsaf radio Gymraeg, ymestyn cyrraedd S4C ac arbrofi hefyd hefo gwasanaethau dwyieithog ar y teledu a’r radio er mwyn creu mwy o undod rhnwg y Gymru Gymraeg a’r Gymru Saesneg.

Bedwyr Clwyd Griffiths 17 Ionawr 2013, 10:51

irfon – a tydi emosiwn ddim yn gyrru British nationalism?? Wyt ti erioed wedi bod i Belfast? yr holl helynt am y blydi iwnion jac!

Mae’r sylwadau wedi cau.

BBC ac Eos: Awdures yn ymuno â’r boicot

Angharad Tomos wedi gwrthod yr hawl i’r BBC ddarlledu ei stori fer

Poblogaidd

← Stori flaenorol

Stori nesaf →

Hefyd →

40 sylw