£15,000 i gymhwyso’n athro Cymraeg

Leighton Andrews
Mae’r Gweinidog Addysg wedi cyhoeddi y bydd grant o hyd at £15,000 ar gael i fyfyrwyr ôl-radd sydd am gymhwyso’n athrawon Cymraeg.

Bydd myfyrwyr gyda gradd dosbarth cyntaf yn y Gymraeg yn cael y £15,000, a’r swm yn gostwng wedyn wrth i safon y radd ostwng gyda £10,000 ar gael i rai gyda 2.1, a £6,000 i rai gyda 2.2 – nid oes arian ar gael i rai gyda graddau is na 2.2.

Y pynciau eraill sydd wedi eu targedu gan y Gweinidog Addysg, ac yn mwynhau’r un fath o nawdd, yw Maths, Ffiseg, Cemeg, Ieithoedd Tramor ac Astudiaethau Cyfrifidurol.

“Bwriad y grantiau hyn yw parhau i gryfhau ansawdd darpar athrawon yng Nghymru trwy ddenu’r mwya’ talentog i fyd dysgu,” meddai Leighton Andrews.

Poblogaidd

Swyddi

Tinopolis

Ymchwilydd

YTC 4 Llan CLT

Hwylusydd Prosiect

City And Guilds

Asesydd Allanol – Iechyd a Gofal Cymdeithasol CC (Cymraeg yn Ddymunol)

Prifysgol Bangor

Is-ddatblygwr Meddalwedd

Menter Iaith Conwy

Swyddog Ardal Wledig (Dyffryn Conwy)

← Stori flaenorol

Rhyngwladol

Codi prisiau uwch am ddychwelyd i Brydain o Ffrainc

Mae disgwyl i oddeutu 160,000 o bobol sydd ar eu gwyliau yn Ffrainc geisio dychwelyd i wledydd Prydain heddiw

Stori nesaf →

Cymru

Strydoedd drytaf Cymru

Deganwy yn y gogledd a Chaerdydd yn y de

Hefyd →

Cymru

Llywodraeth Cymru’n galw am roi terfyn ar drais yn erbyn menywod

Mae gan Lywodraeth Cymru ymgyrch, ‘Iawn’, ar y gweill

3 sylw

CGT 28 Rhagfyr 2012, 15:24

Y trafferth ydi nad oes yna neb eisiau mynd i ddysgu Cymraeg fel iaith. Mae’n hysbys i bawb gymaint mae plant mewn ysgolion Saesneg yn casau yr iaith – neu fuaswn nhw ddim yna yn y lle cyntaf. Mae angen sefydlu cwrs TYDR penodol ar gyfer dysgu Cymraeg ail iaith (efallai bod yna , maddeuer yr anwybodaeth) a rhoi grant sylweddol i wneud hynny, yn daladwy ar ol tair mlynedd o gyflogaeth . O be gofia i (mi fues i’n dysgu yn y ddwy fath o ysgol) , doedd yna ddim math o brinder o athrawon oedd yn dymuno dysgu Cymraeg mewn ysgol iaith gyntaf, ond pwy yn ei iawn bwyll sydd yn dymuno mynd i ddysgu i ee John Brights , Aberconwy , Friars, Caergybi ayb.

Bedwyr Clwyd Griffiths 29 Rhagfyr 2012, 00:59

Adam a Ben, chi wedi camddeallt fy mhwynt. Wrth gwrs, mae angen cefnogi yr iaith ym mhob ran o Gymru o Fon i Fynwy, drwy buddsoddi yn addysg Gymraeg, Mentrau Iaith, Urdd ayb. Ond mae mwyafrif o Gymry Gymraeg go iawn yn byw yn yr ardaloedd ddwedes i gynt. Fel soniodd Simon Brooks beth yw pwynt buddsoddi yn yr iaith yn Sir Gar os nad yw Cyngor Sir Gar yn cynnig addysg ddwyieithog lawn i’w disgyblion? Mae angen roi cic go iawn i’r Cyngor.

Mae angen y phrif ffocws fod ar Ceredigion, Gwynedd a Mon – angen marchnad dai sydd yn galluogi pobl leol i aros yn eu cymunedau, ac i gynnal natur y cymunedau hynny. Mae agen economi leol sydd yn cryfhau busnesau bychain lleol, fel bod pobl yn medru cael gwaith o safon yn eu cymunedau eu hunain.

Ac i hybu cymunedau cryfach lle mae pobl yn nabod ei gilydd a lle mae modd cynnal ysgolion bychain, meddygfeydd lleol a siopau lleol. A gweld sefydliadau yn y Fro Gymraeg yn defnyddio’r Gymraeg fel iaith gwaith.

Adam Jones 29 Rhagfyr 2012, 01:57

Rydych chi’n iawn ar ran y Cyngor, ond rydych fel pe tasech yn cael yr argraff mae’r ‘bobl neu’r siaradwyr Cymraeg’ yw’r ‘cyngor’ ac nid felly ydyw, mae’r bobl yn gyson wedi pleidleisio am newid yn Sir Gâr ond mae’r blaid fwyaf wedi’i chau allan dro ar ôl tro.

Mae dweud bod y ‘siaradwyr Cymraeg go iawn’ yn byw yn y siroedd y sonioch amdanynt uchod yn sarhad o’r mwyaf a’r fath agwedd sydd yn drychineb llwyr yn y Gymru sydd ohoni, ac os yw’r fath agwedd elitaidd snobyddlyd yn treiddio’n fwy fwy i’n cymdeithas – bydd hi’n amen gath wen arnom ni gyd.

Mae popeth rydych yn sôn amdanynt ar ran cefnogi’r Gymraeg yn y fro yn rhai dwi’n cytuno’n llwyr a hwy, ond pam rydych yn diystyru Caerfyrddin yn syth?

Mae yng Nghaerfyrddin fwy o gymunedau mwyafrifol Cymraeg nag sydd yng Ngheredigion, ar ran maint a nifer? Onid ydych yn gwrth-ddweud eich hunain trwy ar yr un llaw sôn am anghofio’r ardaloedd hyn ond ar y llaw arall yn sôn am eu gwarchod mewn siroedd eraill?

Mae’r sylwadau wedi cau.