Clawr llyfr newydd Cyw
Mae gwasanaeth Cyw S4C yn un o bedwar ar restr fer i dderbyn gwobr BAFTA Plant Prydain.
Ddiwedd y mis byddan nhw’n cystadlu efo CBBC, Cbeebies a CiTV yn y categori ‘Sianel y Flwyddyn’.
Llyfr a dvd ac app
Fe fydd Cyhoeddiadau Sain, ar y cyd ag S4C, Boom Plant a gyda chymorth ariannol Cyngor Llyfrau Cymru, yn rhyddhau Hwyl gyda Cyw a’i Ffrindiau.
Mae’r llyfr lliwgar yn cynnig oriau o ddifyrrwch i rai bach:
- straeon,
- gemau,
- posau
- sticeri,
- a DVD gyda rhai o hoff ganeuon Cyw hefyd.
Mae Cyw yn wasanaeth digidol, modern sy’n cynnwys rhaglenni teledu, rhaglenni ar wefan Cyw, ac apps y gellir eu lawr lwytho. Fe fydd y llyfr a’r DVD o ganeuon Cyw yn caniatáu i blant fwynhau eu hoff raglen mewn dau gyfrwng ychwanegol y Nadolig hwn.
“Mae Sain yn hynod o falch o gyhoeddi ail lyfr Cyw ar gyfer y Nadolig,” meddai Dafydd Roberts, Prif Weithredwr cwmni Sain. “Mae’n braf gallu ychwanegu at gynnyrch y cymeriad sydd wedi profi’n boblogaidd dros ben.”
