Ched Evans
Mae’r pêl-droediwr Ched Evans wedi colli ei apêl heddiw yn erbyn dyfarniad o dreisio merch.
Mae hefyd wedi colli ei apêl yn erbyn ei ddedfryd o bum mlynedd yn y carchar.
Roedd achos cyn-ymosodwr Sheffield a Chymru yn cael ei glywed gan dri barnwr yn y Llys Apêl yn Llundain.
Fe gafodd y gŵr 23 blwydd oed ei garcharu am bum mlynedd ym mis Ebrill eleni am dreisio merch 19 oed mewn gwesty ger Y Rhyl.
Roedd Evans wedi gwadu’r cyhuddiad ond fe’i cafwyd yn euog yn Llys y Goron Caernarfon o dreisio’r ferch ym mis Mai’r llynedd.
Roedd wedi cyfaddef iddo gael rhyw gyda’r ferch ond dywedodd hi nad oedd yn cofio’r digwyddiad.
Roedd yr erlyniad wedi dweud bod y ferch, na ellir ei henwi am resymau cyfreithiol, yn rhy feddw i gydsynio i gael rhyw.
Dywedodd y barnwr yn y llys apêl nad oedd “unrhyw sail posib a fyddai’n cyfiawnhau ymyrryd” a’r dyfarniad gwreiddiol.
