Y canwr Andy Williams yn marw yn 84

Andy Williams
Mae’r canwr Americanaidd Andy Williams wedi marw yn 84 oed, yn dilyn brwydr gyda chanser.

Roedd yn fwyaf enwog yng Nghymru fel canwr y gân bêl-droed anthemig, ‘Can’t Take My Eyes Off You’.

Roedd wedi dathlu 75 o flynyddoedd fel canwr a diddanwr yn 2012.

Yn ystod ei yrfa, enillodd 17 o albymau aur a thri albwm platinwm.

Roedd hefyd yn enwog am ganu fersiwn o’r gân ‘Moon River’  o’r ffilm ‘Breakfast at Tiffany’s’.

Cafodd wybod yn 2011 ei fod yn dioddef o ganser y bledren.

Dechreuodd ei yrfa fel canwr ar ei ben ei hun ym 1952 ar ôl treulio nifer o flynyddoedd yn canu gyda’i frodyr.

Roedd hefyd yn adnabyddus fel cyflwynydd teledu, a’i raglen The Andy Williams Show oedd y sbardun ar gyfer gyrfa’r brodyr yr Osmonds.