Llywodraethau Cymru a Phrydain yn llacio rheolau cynllunio

Mae rheolau cynllunio yng Nghymru yn mynd i ffafrio twf economaidd yn hytrach na ffactorau amgylcheddol neu gymdeithasol.

Mae disgwyl i’r Llywodraeth gyflwyno’r newidiadau dadleuol yn ystod yr hydref, yn dilyn cwynion bod ceisiadau cynllunio a allai gyfrannu at yr economi leol yn cael eu gwrthod.

Bydd polisi Llywodraeth Cymru yn agosáu at un Llywodraeth Prydain sydd heddiw’n mynd i gyhoeddi bod rhwystrau cynllunio am gael eu lleihau er mwyn rhoi hwb i’r economi.

Mae David Cameron a Nick Clegg eisiau ei gwneud hi’n haws i fusnesau a theuluoedd ymestyn adeiladau a gwneud gwaith ar eu heiddo, gan obeithio bydd hyn yn arwain at fwy o weithgaredd economaidd.

11 sylw

Dafydd 6 Medi 2012, 08:28

Roeddwn wedi meddwl efallai byddai Llywodraeth ar bob lefel yn mynd i llacio rheolau ar fusnesau bach ond na, yr un peth eto….brics n mortar. Mae hyn yn dangos fod Llywodraeth Cymru ac un Prydain wedi rhedeg allan o syniadau….os oedd ganddynt rhai ar y cychwyn.

Dafydd 6 Medi 2012, 08:44

Yn ol adroddiad y BBC….mae Cymdeithas Llywodraeth Leol yn dweud fod 400,000 o dai wedi derbyn hawliau cynllunio ond heb eu adeiladu eto.

Dafydd 6 Medi 2012, 08:52

Bydd rhaid adeiladu’r holl dai yna yng nghogledd dwyrain Cymru er mewn ei wneud yn rhan o’r ‘commuter belt’ i ddinasoedd Lloegr.

Ffrancwr 6 Medi 2012, 09:57

Camgymeriad trist yw hyn. Mae llywodraeth Prydain yn llyfu tinau penaethiaid cwmniau megis Barratt a Tesco – wrth reswm hoffai’r bois yma adeiladu ble bynnag yr mynnen nhw. Ac mae Llywodraeth Cymru yn mynd i ddilyn fel defaid. Os am weld effaith rheolau cynllunio llac, edrychwch ar gefn gwlad Sbaen a Groeg – adeiladau yn unlle, anrhefn, hysbysebion di-ri. Yr unig bobl i ddathlu’r newyddion yma fydd penaethiaid y cwmniau mawrion – a bydd arian yn llifo i’w pencadlysau y tu allan i Gymru wrth gwrs.

John Griffith 6 Medi 2012, 11:44

Clywch Clywch Ffrancwr.

Guto 6 Medi 2012, 13:58

Polisi cwbl ddiddychymyg ac amherthnasol, fel y mae llawer eisoes wedi’i ddweud uchod. Yng Nghymru a Lloegr mae na swm aruthrol o eiddo sy’n sefyll yn wag, neu dir sydd heb ei ddatblygu ar ôl cael caniatâd cynllunio, oll er mwyn cynyddu’r elw i ddatblygwyr preifat. Mae hyn yn cael effaith arswydus ar y marchnadoedd prynu a rhentu tai, heb sôn am dagu’r broses gynllunio (y sector cyhoeddus, wrth gwrs, sy’n cael y bai am hynny). Syniad hollol hurt ydi gadael y cowbois yma i ehangu eu gêm fonopoli fawr i bob twll a chornel o’r wlad gan hidio dim am unrhyw reolau.

Gwyn 6 Medi 2012, 15:43

Wel a oes yna unrhyw blaid sydd yn erbyn hyn ac, er enghrhaifft wedi mabwysiadu polisi bod unrhyw ganiatad cynllunio sydd wedi bod yn segur am 20 mlynedd yn cael ei ddiddymu a’r tir i gael ei werthu am bris amaethyddol. Ynteu a ydi pob plaid yn chwarae’r un geem yn hyn o beth?
Ond cofiwch, yn gyffredinol nid yng Nghymru mae pobl eisiau byw. Yr unig reswm y maent yn gorlifo i Gymru o Swydd Gaer ydi bod y sir honno yn parchu ei thir glas ac yn gwrthod adeiladu tai yno. Os caniateir codi tai o amgylch Llundain a dinasoedd Lloegr byddai’n ysgyfanu tipyn ar y pwysau am dai yng Nghymru. Felly Toriaid Lloegr fydd ein hachubiaeth ella, yn hytrach na’n gwleidyddion ni ein hunain.

Dafydd Iwan 6 Medi 2012, 18:43

Dwi’n cytuno a Gwyn. Ymhle mae’r enghreifftiau o geisiadau ‘economaidd’ sy’n cael eu llesteirio? Mae angen creu cyfundrefn gynllunio arbennig i Gymru, un llai biwrocrataidd ac un sy’n ystyried yr holl ffactorau – economaidd, amgylcheddol a chymdeithasol/ddiwylliannol – mewn modd cynhwysfawr, yn hytrach na thynnu llinellau ar fap. A gwneud y cyfan yn ymatebol i bobol, nid i gyfalaf. Biwrocratiaeth a llusgo traed yw’r gelyn i fusnesau, nid gormod o bwyslais ar yr amgylchedd.

Dafydd 6 Medi 2012, 20:36

O ddarllen beth wnaeth John Griffiths (Gweinidog yr Amglychedd) ddweud heddiw….nid oedd unrhyw son am ddiwydiant na dim felly. Mae beth mae’r BBC yn adrodd o beth ddywedodd mor amwys……er ei fod yn cyfeirio’n benodol at godi tai. Disgwyliwch raglen o godi tai di-ri ar draws Gymru.

Gwyn 6 Medi 2012, 22:25

Bobol! “Cyfundrefn Gynllunio arbennig i Gymru”?
Ym mhle mae’r swyddogion cynllunio newydd am gael eu hyfforddi tybed, ym mha wlad ac yn ol pa egwyddorion. Pwy fydd yn llunio’r cwricwlwm ar eu cyfer?

Ac ymhle mae dod o hyd i wleidyddion a fydd yn fodlon rhoi ystyriaeth i’r “holl ffactorau”. At ba blaid y bydd y rheini’n heidio a thrwy ba gyfundrefnau y byddant yn “ymatebol i bobol”? Pa lywodraeth fydd yn sefydlu’r cyfundrefnau hynny i ni? Sut cawn ni ei phleidleisio i fodolaeth.

Nid yw “pobol” eisiau gweld cau ysgolion ac ysbytai a chartrefi henoed – ai nhw ddylai gael y gair olaf ar hynny, ynteu a oes rhaid ymateb i’r byd fel y mae a gwrando mwy ar wleidyddion sydd aa darlun cliriach o’r hyn sy’n digwydd yn economaidd?
Ac onid dadlau dros lai o fiwrocratiaeth y mae Cameron a Clegg hefyd trwy bwyso am symleiddio’r drefn gynllunio?

Mae’n swnio fel tasa pawb ar yr un ochr yn y ddadl hon. Llaw i fyny pawb sydd eisiau mwy o fiwrocratiaeth a gwrando llai ar y bobol.

Gwynn Hefin 7 Medi 2012, 16:56

Cytuno gyda Dafydd Iwan bach ac eraill. A pheth arall, mae codi mwy o dai yn mynd i gael effaith ddybryd ar adnoddau sylfaenol. ‘Run faint y mae hi’n glawio heddiw â hanner canrif yn ôl, ond fe fydd mwy o dai annedd yn golygu mwy o straen, mwy o alw am adnoddau dwr. Ni fydd yna ddigon o ddwr a thrydan, heb ORFOD dogni os codir mwy o dai. Sut na all pobl a gwleidyddion ddeall hyn??!!

Mae’r sylwadau wedi cau.

Llywodraethau Cymru a Phrydain yn llacio rheolau cynllunio

Ffafrio twf economaidd yn hytrach na ffactorau amgylcheddol neu gymdeithasol

Poblogaidd

Swyddi

Arolygydd Eiddo – Siaradwr Cymraeg

Is-ddatblygwr Meddalwedd

Pennaeth Cwynion Gwasanaethau Cyhoeddus

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

Beio agwedd ‘afresymol ac afrealistig’ Prydain at Ewrop

Stori nesaf →

Pedwar o bobl yn cael eu saethu’n farw yn Ffrainc

Hefyd →

Y Byd Ar Bedwar yn darlledu honiadau am Huw Edwards

11 sylw