‘Angen i bobol hoyw fod yn fwy gweledol’

Poster Mardi Gras Caerdydd
Mae Cadeirydd Mardi Gras hoyw Caerdydd yn dweud bod angen i bobol hoyw fod yn fwy gweledol er mwyn hybu dealltwriaeth o’r gymuned hoyw o fewn cymdeithas.

Mae’r Mardi Gras yn cael ei chynnal am y degfed tro ar 1 Medi a dywed Richard Newton nad parti yn unig yw’r ŵyl a bod ganddi nod benodol.

“Mae angen parhau i ymgyrchu dros nifer o newidiadau,” meddai.

“Er bod aelodau’r gymuned Trawsrywiog, Hoyw a Lesbiaidd yn cael eu derbyn a’u gwarchod o dan nifer o ddeddfau, y gwir yw nad yw hyn yn digwydd o hyd yn ein cymunedau, yn y gweithle a hyd yn oed mewn rhai cartrefi.

“Thema Mardi Gras eleni yw bod gwelededd yn cynyddu dealltwriaeth ac yn lleihau ofn. Ein gobaith yw creu awyrgylch ble gall bobol deimlo’n falch o Gymru fel cenedl amrywiol.

“Mae hwn yn gyfle i Gymru gyfan i ddatgan bod gwahaniaethu, bwlian neu droseddu tuag at bobol ar sail eu rhywioldeb yn annerbyniol.”

Bydd y Mardi Gras yn cychwyn gyda gorymdaith trwy ganol Caerdydd a fydd yn arwain at faes y Mardi Gras ar gaeau Cooper.

Un o’r bobol fydd yn canu ar faes y Mardi Gras fydd Heather Small, prif leisydd M People a gafodd lwyddiant yn y 1990au.

16 sylw

Osian 24 Awst 2012, 14:06

Cytuno fod angen bod yn fwy gweledol, ond rhaid i’r delweddau hynny fod yn fwy cynrychioledig o bobl hoyw nac ydyw ar hyn o bryd.

Fel person hoyw, dwi ddim yn gweld fod y rhan fwyaf o ffigyrau cyhoeddus yn y cyfryngau a’r selebs hoyw yn fy nghynrychioli i na llawer o hoywon eraill mewn unrhyw ffordd.

Mae’r rhan fwyaf ohonynt (nid pob un) yn parhau’r a’r hen ystrydebau hynny sydd wedi hen ddyddio erbyn hyn: Gok Wan, Graham Norton ag Alan Carr dim ond i enwi ychydig. Dim byd o’i le arnynt fel unigolion wrth gwrs, ond mae cael llawer gormod o gymeriadau hoyw fel rhain yn bytholi’r ystrydebau hynny ac felly ond yno i greu comic relief i’r mwyafrif.

Mae angen cael mwy o bobl hoyw gweledol sydd yn mynd yn groes i’r ystrydebau hyn (e.e. Gareth Thomas). Er mwyn i bobl sylwi fod pobl hoyw ymhob rhan o’n cymdeithas, ac nid mewn blychau penodol.

Guto 24 Awst 2012, 14:18

Ti’n ddigon hen i fod wedi gweld Rici Hoyw ar S4C, Osian? Gweledol yn sicr, er dwi’m yn cofio a oedd o’n hoyw neu beidio…

Ta waeth am hynny, mae’r sefyllfa wedi gwella’n aruthrol ar hyd y blynyddoedd, mae’n dychryn rhywun i gofio sut oedd hogia hoyw’n cael eu trin pan oeddwn i’n yr ysgol yn y 90au. Mae’n bwysig dal ati a chynnal mwy o ddigwyddiadau fel hyn.

Osian 24 Awst 2012, 14:41

Ydw, cofio’n iawn! :)

Cytuno’n llwyr fod pethau wedi gwella, ond mae dal meysydd hollol “ddi-hoyw” yn bodoli hyd heddiw – y mwyaf gweledol o’r rhain o bellffordd yw pel-droed.

Wnaeth achos Justin Fashanu ddim helpu o gwbl, ond dwi’n ffyddiog mai dim ond mater o amser yw hi tan bydd chwaraewyr yn gallu teimlo’n gyfforddus a’r peth.

Ceri 25 Awst 2012, 18:26

Hyd yn oed heddi, mae ’na leiafrif o bobol hoyw sydd wedi penderfynu taw bod yn or-gamp yw’r ffordd orau iddyn nhw fynegi eu rhywioldeb.

Mae’n siwr bod hyn yn dod o’r dyddiau pan odd bod yn ‘gay’ yn erbyn y gyfraith ac odd wara’n ‘camp’ a siarad ‘polari’ yn theatrau’r fyddin yn dderbyniol (ee. It Aint Half Hot Mum)- a’r traddodiad hwnnw yn fyw ym mhersonoliaethau fel Kenneth Williams, Larry Grayson, Julian Clary a daw rhagor idd’u dilyn nhw siwrofod, hyd yn oed yn y Gymraeg ar ol Ricky Hoyw.

Ma’r peth mor hen ffasiwn a sim raid i bobol hoyw acdo fel ’na heddi a bod yn gyff gwawd – gallan nhw acdo fel nhw eu hunan a bod yn falch. Buaswn yn meddwl taw dyna’r ffordd orau iddyn nhw gal rhyw ‘efyd. Ar ddiwedd y dydd pwy sydd eisiau mynd i’r gwely a rhyw ‘screaming queen’ – boed hi’n fenyw ne’n ddyn.

Guto 27 Awst 2012, 10:11

Ceri – Phillip Windsor?

Gwynn Hefin 27 Awst 2012, 15:07

Dwi ddim yn gwybod am fod ‘yn fwy gweledol’ ond mae gofyn iddyn’ nhw ddod at eu synhwyrau ac ediarhau…er eu lles eu hunain. Dydi’r hoywon bondigrybwyll ddim ar fy rhestr ‘cardiau Dolig’, ond fyddwn i byth am eu gweld yn mynd i’r lle poeth ’na. Gyda llaw, dwi fy hun wedi trio stopio hwrio gyda merched del am yr un rheswm yn union.

Ceri 27 Awst 2012, 15:56

Wi’m yn siwr os ych chi o ddifrif Gwynn Hefin – ond y gwetiad cywir yn y Gymraeg yw i bobol ‘ddod at eu coed’ a nage ‘at eu synnwyr’ – ag mor belled ag y gwelaf i, ma’r ‘gays’ yn ddigon o Gymry i fynd at y coed- boed Clapham Common, le Bois de Bologne ne’r lle ’na ma cyn-ysgrifenydion Cymru yn mynd i wilo am foch daear.

Wela i ddim bod rheswm iddyn nhw ddyfaru chwaith ombai bo nhw’n colli swydd ne’n bwmpo miwn ichi wrth gwrs!

Gwynn Hefin 27 Awst 2012, 23:26

Mae’n ddrwg iawn gen i Ceri ond gan mai Gogleddwr ydw i, dwi ddim yn deall hanner eich cenadwri, mae arnaf ofn. Fuaswn i ddim yn dymuno gweld fy ngelyn pennaf yn mynd i uffern. Na mynd yno fy hun. Y cwbwl ‘rwyf yn ei ddweud yw bod arnynt angen (yr hoywon bondigrybwyll) ystyried eu sefyllfa yn ofalus dros ben. Fel pob un ohono’ ni.

Guto 28 Awst 2012, 11:35

Dydi o ddim o ddifrif, Ceri, ond mae o’n meddwl ei fod o, bechod.

Gwynn Hefin 28 Awst 2012, 12:23

Darllenwch y Testament Newydd eich hunain. Mae o’n dweud: ‘Sodomites will have no inheritance in the kingdom of heaven.’ Ddim y fi wnaeth ei sgwenno o. Dwi ddim yn sicr beth yw union ystyr yr uchod ond dydi o ddim yn swnio’n addawol.

Ceri 28 Awst 2012, 17:56

Come off it Gwynn Hefin – dyw penodau’r ‘Corinthiaid’ ddim hyd yn oed yn dychra off wrth ei rhoi hi i’r Sodomites – ma llwyth o bobol erill yn ei chal hi gynta – y rhai nag aiff i deyrnas Duw – a llwyth o rai erill ar eu hol nhw hefyd. Efallai bo chi’n un o’nhw!

Ceri 28 Awst 2012, 17:57

Come off it Gwynn Hefin – dyw penodau’r ‘Corinthiaid’ ddim hyd yn oed yn dychra off wrth ei rhoi hi i’r Sodomites – ma llwyth o bobol erill yn ei chal hi gynta – y rhai nag aiff i deyrnas Dduw – a llwyth o rai erill ar eu hol nhw hefyd. Efallai bo chi’n un o’nhw!

Hari Bach 29 Awst 2012, 14:21

Peidiwch a chymryd y pethau ma rhy ysgafn. Mae Hefin yn iawn yn un peth – mae’r adnodau yma i’n dysgu ni i gyd.

Gwynn Hefin 29 Awst 2012, 14:25

Digon gwir, ‘rhen foi, digon gwir …ac mae o’n blincin pryder i rywun hefyd. Mae’r safonau yn uchel.

Meinir 31 Awst 2012, 21:48

Trueni bod y bible bashers yn tarfu ar sylwadau call.

Hari Bach 1 Medi 2012, 23:43

Ie, wir, trueni garw bod yna rai sy’n fodlon sefyll dros y gwirionedd yn hytrach nag ymdawelu a gadael y maes yn glir i ti a dy debyg.

Mae’r sylwadau wedi cau.

‘Angen i bobol hoyw fod yn fwy gweledol’

Gorymdaith trwy ganol Caerdydd

Poblogaidd

Swyddi

Cynhyrchydd (Dwy swydd)

Cyfathrebwr Estyn Allan STEM (40% CALl)

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Tiwtor Cymraeg ar gyfer y Gweithlu Addysg

Rheolwr Aelodaeth

← Stori flaenorol

Tommo, y cyflwynydd radio, Andrew Thomas wedi marw

Stori nesaf →

Nyth ddim cweit yn y Nant

Hefyd →

‘Gwnewch y Pwythau Bychain’

16 sylw