Hannah Mills
Er i Hannah Mills o Ddinas Powys a’i phartner hwylio Saskia Clark ennill medal arian yn yr hwylio heddiw, roedden nhw’n siomedig iawn i beidio ennill yr aur.
Dim ond ers 18 mis mae’r ddwy yn hwylio gyda’i gilydd ac roedd Seland Newydd yn drech na nhw yn y rownd derfynol.
“Rwy’n eitha digalon â dweud y gwir,” meddai Hannah Mills
Roedd gobeithion y ddwy yn uchel ar ôl iddyn nhw ennill cwpan y byd yn y dosbarth 470 dri mis yn ôl.
Dechreuodd Hannah Mills ei gyrfa hwylio yng nghanolfan hwylio Llanisien, ac yn 2002 hi oedd Personoliaeth Chwaraeon Ifanc y Flwyddyn BBC Cymru, a Hwyliwr Ifanc y Flwyddyn ym Mhrydain.
Roedd y rapiwr enwog o’r Unol Daleithiau, Snoop Dogg, wedi dymuno’n dda iddi yn y Gemau mewn darllediad Youtube, ac yntau’n gwisgo crys pêl-droed Dinas Caerdydd.
