Mae dyn wedi cael ei ladd mewn damwain ar draffordd yr M4 neithiwr.
Bu farw’r dyn 24 oed o’r anafiadau a dderbyniodd yn y ddamwain a ddigwyddodd ar ffordd ddwyreiniol yr M4 ger Cyffordd 36 (Sarn) tua 11.00 o’r gloch neithiwr.
Roedd dau gerbyd yn rhan o’r digwyddiad, sef Ford Fiesta glas a Toyota Avensis coch.
Roedd y dyn a fu farw yn gyrru’r Fiesta. Roedd dau oedolyn a dau blentyn yn teithio yn y Toyota Avensis. Aethpwyd â nhw i’r ysbyty. Mi wnaeth plentyn pedair oed dderbyn anafiadau difrifol a dywedir fod plentyn chwech oed yn ddifrifol wael.
Mae Heddlu De Cymru yn apelio ar dystion i’r digwyddiad i gysylltu â nhw ar 01656 655555, est 88-331, neu i gysylltu â’r swyddfa heddlu lleol. Mae modd cysylltu’n ddienw hefyd drwy ffonio Taclo’r Tacle ar 0800 555 111.
Mae’r Heddlu hefyd wedi dweud eu bod nhw’n awyddus i siarad â dwy a welwyd yn cerdded yr ardal yn fuan cyn y gwrthdrawiad.
