Adroddiad Iechyd: Dafydd Elis-Thomas yn absennol o’r Senedd

Dafydd Elis-Thomas
Doedd yr Arglwydd Dafydd Elis-Thomas ddim yn bresennol yn y Cynulliad heddiw, mae’n debyg am ei fod yn anhapus gyda datblygiadau’r drafodaeth ynglŷn â’r Gweinidog Iechyd.

Yn ôl gohebydd gwleidyddol y BBC, Vaughan Roderick, oedd wedi trydar ei sylwadau, honnir i Dafydd Elis-Thomas ddweud, “Dwi’n meddwl i fod o’n hen bryd i ni dyfu i fyny fel plaid (a pheidio) bod yn gŵn bach neu’n ail feiolin i’r Ceidwadwyr”.

Aeth yn ei flaen i ddweud, “Mae’r holl ddadl yma’n rhoi rhagfarn o flaen tystiolaeth a dwi ddim eisiau bod yn rhan o’r fath drafodaethau.”

Mae’r Gweinidog Iechyd yn wynebu pleidlais o ddiffyg hyder yn ei herbyn yn dilyn dadleuon tros ‘annibyniaeth’ adroddiad am ad-drefnu’r Gwasanaeth Iechyd yng Nghymru.

Doedd Plaid Cymru ddim am wneud datganiad swyddogol ar y mater ar hyn o bryd.

7 sylw

Bedwyr Clwyd Griffiths 18 Gorffennaf 2012, 18:45

Wel wel, pan fydd eich ysbytai lleol yn cau wardiau a symud gwasanaethau yn y dyfodol, dach chi’n gwybod pwy i ddiolch am hyn. Carwyn, Lesley a Dafydd El.

Jones 18 Gorffennaf 2012, 19:11

Be dwi ddim yn ei ddeall ydy pam bod Dafydd El yn gally cymeryd wythnos i ffwrdd or gwaith i mynychu seremoniau graddio? Mae’n cael ei dalu i fod yn AC – pan mae’r Cynulliad yn sefyll, dyma lle y ddylai e fod.

John Tomos: ti’n son am y Ty’r Arlgwyddi…. weld dyma i chi diddorol: http://a5.sphotos.ak.fbcdn.net/hphotos-ak-ash4/403803_474698502542004_1668095885_n.jpg

Na, dwi’n dechra cael llond bol o Dafydd El, dros yr haf rhaid iddo ystyried ei rol fel AC yn sicr fel aelod o Blaid Cymru. Hynod o siomedig ynddo fe.

GWYLIWR 18 Gorffennaf 2012, 20:29

Dwi’n cefnogi Dafydd El. Awn ni i unman os dilynwn ni arweinyddiaeth presenol Y Blaid. Gwrandwch ar DET da chi neu cyfnod yn yr anialwch sydd o’n blaenau. Os gwthir DET o’r neulldy nid fe fydd yr unig un i ymwahanu o’r Blaid.

CO Jones 18 Gorffennaf 2012, 21:15

Gwyliwr – pam bod yn gymaint o sicophant iddo? Dyro ddadl o blaid Dafydd El – t’laen, be sydd mor wych amdano? Sut mae o’n gwthio agenda Plaid Cymru – y blaid sydd wedi rhoi pob dim iddo – ymlaen trwy sarhau’r blaid yn gyhoeddus a thrwy beidio a chymryd rhan yn y broses wleidyddol?

Barcud – rwtsh. Yndi ma’n bwysig canolbwyntio ar beth fydd y strategaeth iechyd – dyna mae’r gwrthbleidiau wedi bod yn ei wneud, ond y cyfiawnhad o du’r llywodraeth bob tro ydy mae adroddiad annibynol oedd hwn, mae arbenigwr iechyd annibynol oedd Longley. O beidio a chael y bleidlais yma yna byddai’r cyfiawnhad yna’n sefyll. NID adroddiad annibynol ydyw, ond adroddiad sydd wedi derbyn pwysau’r llywodraeth i adrodd beth mae’n nhw eisiau. Roedd y bleidlais yma’n holl bwysig felly. Nid chwarae gwleidyddiaeth yw hyn, ond dyfodol ein gwasanaeth iechyd. Pe na byddai’r pleidiau wedi gwneud hyn yna fedr y llywodraeth gamarwain yr etholwyr unrhyw bryd a dim come-back. Nid democratiaeth yw hynny ond totalitariaeth. Rydyn ni’n brysur droi ein democratiaeth ifanc newydd i fod yn wladwriaeth dotalitaraidd. Watch out.

CO Jones 18 Gorffennaf 2012, 22:19

Gwyliwr – Os wyt ti’n aelod o blaid wleidyddol arall ac yn gwrthwynebu Plaid Cymru, yna rwy’n siwr dy ti am “(d)dweud yn union beth (buaset) yn dymuno ei ddweud wrth arweinyddiaeth y Blaid” oherwydd mae’n niweidio Plaid Cymru ac yn niweidio achos Cymru yn y broses.

Rwyt ti’n cytuno felly fod Leanne Wood yn siarad ‘infantile leftist claptrap’, rwyt ti’n gobeithio na ddaw annibyniaeth yn oes Dafydd El; rwyt ti’n dilorni aelodau etholedig dy blaid dy hun yn y siambr yn wythnosol wrth iddyn nhw herio’r Llywodraeth Lafur a cheisio gosod polisiau Plaid Cymru ar waith, ac yn gweiddi negeseuon o gefnogaeth i weinidogion y Llywodraeth Lafur wrth iddyn nhw sarhau dy gyd aelodau Plaid Cymru; rwyt ti’n herio dy gyd-selodau Plaid Cymru yn uchel wrth iddyn nhw roi cyfraniad mewn dadl…

Dyma mae o’n wneud wythnos ar ol wythnos. Os wyt ti’n aelod o Blaid Cymru – iawn dywed pethau wrth yr arweinyddiaeth, ond mae gan Dafydd El ddigon o fforymau o fewn y Blaid i ddatgan ei farn, ond yn dewis yn hytrach gwneud hynny drwy’r cyfryngau ac mewn sgyrsiau cyfrinachol efo aelodau o’r Blaid Lafur.

Uchelgais bersonol sy’n ei yrru.

jim t 19 Gorffennaf 2012, 08:30

Cyhoeddiad heddiw bod cynlluniau i gau ysbytai Ffestiniog. Diolch Dafydd El.

Anhysbys 19 Gorffennaf 2012, 11:49

CO Jones – dim syniad am beth wyt yn son.

A dim manners chwaith at farn eraill. Rybish llwyr!

Mae’r sylwadau wedi cau.

Adroddiad Iechyd: Dafydd Elis-Thomas yn absennol o’r Senedd

AC Plaid yn ‘anhapus gyda datblygiadau’r drafodaeth’ ynglŷn â’r Gweinidog Iechyd

Poblogaidd

Swyddi

Asesydd Allanol – Iechyd a Gofal Cymdeithasol CC (Cymraeg yn Ddymunol)

Arolygydd Eiddo – Siaradwr Cymraeg

Is-ddatblygwr Meddalwedd

Swyddog Ardal Wledig (Dyffryn Conwy)

← Stori flaenorol

Ail brifysgol yng Nghymru wedi’i hacio

Stori nesaf →

Tri yn cael eu lladd ar ôl i fom ffrwydro ar fws

Hefyd →

Disgwyl eirlaw ac eira yn y gogledd heno

7 sylw