Galw am ffafrio merched i’r cyngor sir

Angen gwella’r balans dynion/merched yn y Siambr, medd gwraig Rhodri Morgan

13 Gorffennaf 2012

Julie Morgan
Rhaid i bleidiau gwleidyddol Cymru ddewis ymgeiswyr sy’n ferched, ac atal dynion rhag sefyll etholiad, er mwyn cael gwell balans dynion/merched yn 22 cyngor sir Cymru.

Dyna mae’r Aelod Cynulliad Julie Morgan wedi ddweud wrth gylchgrawn Golwg yr wythnos hon.

Mae hi’n bryderus bod tri chwarter cynghorwyr Cymru yn ddynion, a ddim yn cynrychioli cymdeithas.

“Pan rydych yn ystyried yr holl wasanaethau sy’n cael eu darparu gan ferched o fewn llywodraeth leol mae’n ofnadwy o bwysig fod merched yn ogystal â dynion yn gwneud y penderfyniadau,” meddai Julie Morgan wrth Golwg.

Cyngor Ynys Môn sydd ar nifer leiaf o gynghorwyr benywaidd yng Nghymru – dwy allan o 40 yn unig.

Ymchwiliad trylwyr i alwad Julie Morgan yng nghopi’r wythnos hon o Golwg.

Poblogaidd

Swyddi

Amgueddfa Cymru

Pennaeth Addysg

Llywodraeth Cymru

Aelodau’r Cyngor- Cyngor Celfyddydau Cymru

Creu Cymru

Hyrwyddwr Llyfr Gwyrdd y Theatr Cymru (llawrydd)

Cyllid a Thollau

Cyfieithydd – Caerdydd / Porthmadog

Senedd Cymru

Swyddog Addysg Allgymorth ac Ymgysylltu â Phobl Ifanc (De-orllewin Cymru) – Dros Dro

Llywodraeth Cymru

Uwch Swyddog: Technoleg Iaith

Llywodraeth Cymru

Ymddiriedolwr- Llyfrgell Genedlaethol

Y Comisiwn Etholiadol

Cyfieithydd Cymraeg

Y Comisiwn Etholiadol

Swyddog Cymorth Cymraeg

Cytûn

Swyddog Polisi Cytûn

7 sylw

Jones 13 Gorffennaf 2012, 10:43

Pam ddim dewis y person GORAU i’r swydd Julie? Os na dynes di hynny – gret, ond os na dyn dio, rhaid dewis y dyn. Efallai sa hyn yn digwydd fysa ni ddim hefo rhai ACau hynod o aneffeithiol yn y Senedd.

Hefyd, mae Ynys Mon llond cynghorwyr annibynnol – felly sut yn union da chin cael fwy o ferched i fewn yn fama? ATAL dynion rhag sefyll o gwbl?!!?!

Y gwir amdani ydy nad yw gymaint o ferched yn ymgeisio i sefyll fel AC, cynghorwr ayyb. Felly yn lle y dicrimination gwirion yma, rhaid i ni edrych pam bod ddim cymaint yn sefyll (a pam yr un “teip” o ddynes sydd o hyd yn sefyll) a trio newid y system i annog mwy i sefyll.

Jason Morgan 13 Gorffennaf 2012, 11:35

Dylai unrhyw un sy’n sefyll i gael ei ethol, boed hynny i gyngor neu senedd, gael ei ddewis ar sail ei allu, ac nid unrhyw beth arall. Twpdra llwyr ydi awgrymu fel arall.

Russ 13 Gorffennaf 2012, 12:31

Gwell os golwg360 yn disgrifio hi ar y prif tudalen fel “Julie Morgan, AC a chyn-AS” yn lle “gwraig Rhodri Morgan”!!!!!!!!!! Tanlinellu mewn ffordd yr union beth mae Julie Morgan yn gyfeirio at?

Cytunaf yn llwyr bod angen dewis yn ol eu gallu. Ond, yn anffodus, ym mhrofiad i lawr y blynyddoedd, merched ddim yn cael chwarae teg am nifer o resymau. Rhagfarnau dynion yn aml ydy’r bai.

Guto 13 Gorffennaf 2012, 12:41

Beth bynnag ydi’ch safbwyntiau chi am orfodi cydraddoldeb, ers pryd mae’r person GORAU wedi’i ddewis ar gyfer unrhyw swydd wleidyddol? Oes rhywun erioed wedi edrych ar wleidydd a meddwl ‘Mae hwn yn fendigedig, fyddai neb yn gallu gwneud job cystal â fo, byth’?

Cyfarfodwyr proffesiynol, llyfwrs tinau a phluwyr nythod sy’n mynd ymhell.

Gareth Williams 13 Gorffennaf 2012, 14:18

Y sir a’r gwleidyddion sydd wedi creu mwyaf o helyntion yw cynghorwyr Ynys Mon. Mae 95% o gynghrowyr yr ynys yn ddynion – o holl siroedd Cymru dyma’r canran uchaf o dipyn. Fedrai yn fy myw a chredu nad oes merched talentog ar yr ynys a fyddai’n cael tipyn gwell trefn ar lywodraethu’r sir.
Os oes unrhyw achos yn cael cam boed o’n achos yr iaith neu’n achos hil neu yn achos merched yna er mwyn ceisio unioni’r cam hwnnw rhaid wrth achos o wahaniaethu cadarnhaol. Cytunaf gyda Julie Morgan.

Sion 13 Gorffennaf 2012, 15:36

Hefyd yn cytuno gyda Julie Morgan. Mae rhesymau hanesyddol bod dim digon o ferched yn y swyddi ma, blynyddoedd mawr o annhegwch. Jyst fel mae angen mynd cam yn bellach i hyrwyddo’r iaith Gymraeg er mwyn neud iawn am y gorffennol, mae angen neud yr un peth er mwyn cael mwy o ferched i redeg ein cynghorau ni. Mae’r ddadl “pobl gorau” i’r swyddi yn codi yn maes yr iaith hefyd, a distraction yw e, mae Guto’n iawn uchod. Mae angen mwy o amrywiaeth o ran cefndir ac oed hefyd. Os bydde’r bobl uchod sy’n dadlau yn erbyn Julie Morgan yn gweld cynghorwyr Cymru i gyd mewn un ystafell, falle byddech chi’n synnu. Bron i gyd yn ddynion 50-75 oed, gwyn, saff, un llygad ar eu expenses. Nhw sy’n rhedeg Cymru.

Ei Dweud Hi 13 Gorffennaf 2012, 15:37

Ew, a oes pall neu derfyn ar dwpdra’r Blaid Lafur?!! Beth arall allem ei ddisgwyl gan aelod amlwg o’r Blaid Lafur, ac yn yr achos hwn aelod taledig o’r Dyneiddwyr?

Mae’r sylwadau wedi cau.

Galw am ffafrio merched i’r cyngor sir

Angen gwella’r balans dynion/merched yn y Siambr, medd gwraig Rhodri Morgan

Poblogaidd

← Stori flaenorol

Stori nesaf →

Hefyd →

7 sylw