Dafydd Êl yn cwyno, ond Llŷr Huws Gruffydd ddim am ymateb

Yr Arglwydd Elis-Thomas
Ni fydd yr Aelod Cynulliad Llŷr Huws Gruffydd yn ymateb i gwynion Dafydd Elis-Thomas am ei ymddygiad.

Mewn cyfweliad â’r Western Mail ddoe dywedodd yr Arglwydd Elis-Thomas ei fod yn anhapus gyda Llŷr Huws Gruffydd am iddo ailadrodd sylwadau â wnaed ganddo mewn cinio preifat ym Mrwsel.

Ond mae Llŷr Huws Gruffydd wedi dweud wrth golwg360 na fydd yn ymateb i sylwadau diweddara’r Arglwydd, gan ei fod yn “parchu dymuniad y grŵp i beidio rhyddhau unrhyw wybodaeth allanol”.

Nid oedd am ymateb gan fod “dealltwriaeth o fewn y grŵp i gadw unrhyw drafodaethau ynglŷn â’r mater o fewn y Blaid”.

Roedd llefarydd ar ran Plaid Cymru yn cadarnhau nad oes ymchwiliad mewnol i’r mater.

Y cefndir

Yn ôl yr honiadau, roedd yr Arglwydd Elis-Thomas wedi beirniadu arweinydd y Blaid, Leanne Wood, am iddi beidio â mynychu gwasanaeth i ddathlu Jiwbilî’r Frenhines.

Roedd awgrym fod Llŷr Huws Gruffydd wedi dweud wrth arweinyddiaeth y Blaid am sylwadau’r Arglwydd Elis-Thomas

“Dydw i erioed wedi cael fy nhrin yn y fath fodd yn ystod fy mywyd cyhoeddus,” meddai Dafydd Elis-Thomas wrth y Western Mail ddoe wrth esbonio ei fod yn anhapus gyda Llŷr Huws Gruffydd.

28 sylw

Jones 22 Mehefin 2012, 12:12

Os ydy Dafydd El MOR anhapus- pam ddim gadael y Blaid?.

croendenau 22 Mehefin 2012, 12:16

Anodd credu fod Dafydd El wedi cael ei frifo cymaint… mae raid fod henaint yn ei wneud yn fwy croendenau. “Heb gael ei drin yn y fath fodd erioed?” Ydio’n cofio’r lladd fu arno am droi’n Arglwydd? Am gefnogi gweriniaethwyr yn yr Iwerddon yn y 1980au? Am gefnogi arestio gweriniaethwyr Gwyddelig yn y 1990au? Ond dyna fo, mae’r Arglwydd isio un payday mawr arall a’r unig ffordd i wneud hynny ydi dod yn Weinidog yn y Llywodraeth. Kerching!!

Jason Morgan 22 Mehefin 2012, 12:32

I fod yn onast dwi’n meddwl bod LlHG wedi bod bach o sinach yn fama. Dydw i ddim yn ffan o Dafydd Êl o gwbl (o gwbl o gwbl o gwbl) ond dw i’n teimlo drosto fo yn yr achos hwn, yn enwedig yr ymgyrch gan rai unigolion i drio ei gael i adael Plaid Cymru pan ei fod yn amlwg yn teimlo mai dyma’i gartref naturiol – er gwaetha’r ffaith nad ydi o bob amser yn dangos hynny

Adam Jones 22 Mehefin 2012, 12:38

Os yn beirniadu rhywun Mr El mae’n hawl ganddynt i wybod, os nad oes digon o asgwrn cefen gyda ti i dderbyn ymateb i’r hyn rwyt ti’n ei ddweud, paid a’i weud e yn y lle cynta??

CLECIWR 22 Mehefin 2012, 12:48

Ma Llyr Huws Gruffydd yn dipyn o _ _ _ _ _ _ . (cewch chi lanw’r bwlch)

Ben 22 Mehefin 2012, 13:22

Dw i’n gallu pobl sy’n dweud bod LlHG wedi bod bach yn dan din yma, ond os ydych chi’n mynd i feirniadu arweinydd y Blaid dylech chi fod yn barod am y canlyniadau, ni waeth pa mor gyfrinachol oeddech chi’n trio bod. Ond dw i yn teimlo dros Dafydd El i fod yn onest, mae wedi cael ei gywilyddio yn fy marn i, collodd e’r etholiad arweinyddol yn ddrwg, collodd e ei safle fel gweinidog dros ynni i gael a gwnaethpwyd e yn ‘weinidog bwyd a physgodfeydd’ neu rywbeth felly a mae na rai sydd yn credu y dylai fe adael y Blaid. O ddarllen hanes y Blaid mae’n amlwg ei fod wedi cyflawni llawer dros Gymru a Phlaid Cymru a dylai LW ddangos mwy o barch tuag ato, hyd yn oed os ydy’r rhan fwya o bleidleiswyr Plaid yn anghytuno a’i weledigaeth dros Gymru.

CO Jones 22 Mehefin 2012, 13:46

Dwi’m yn dallt be di’r stori yn fama. Bod LlHG yn gwrthod ymateb i sylwadau DEl? Diom yn fawr o stori!

Jason – does yna ddim ymgyrch i gael gwared ar DafEl, ond mae ganddo fo ymgyrch i gael ei weld tha victim – ei uchelgais hunanol o ydy i fod yn Weinidog, a fedar om cyflawni hynny gyda Leanne wrth y llyw.

Fo sydd wedi bod yn brolio tryloywder y Cynulliad gan hawlio pwysigrwydd cydweithio a bod yn agored, ond eto mae’n cwyno fatha babi pan fo pobl yn bod yn agored a thryloyw ynghylch ei sylwadau o. Bwli ydi o.

Be ddywedodd o ym Mrwsel? Yn ol rhywun oedd yn gwybod ar wrfan ‘Syniadau’ – “gobeithio na wela i annibyniaeth tra mod i’n fye” neu rhywbeth i’r perwyl yna a mwy. Mae’n iawn ac yn deg fod aelodau ei blaid yn gwybod beth mae o’n ddeud. Mae o’n defnyddio aelodau Dwyfor Meirionnydd fel ei gyfiawnhad, omd ydyn nhw’n gwybod neth mae o’n ddeud pyng Nghaerdydd, Llundain, Brwsel? Siwr na fysa nhw’n japus clywed eu cynryciolydd Plaid Cymru yn deud y petha yma.

Elis Dafydd 22 Mehefin 2012, 15:24

Dw i’m yn cytuno ar bopeth efo Dafydd Elis-Thomas ond mae o’n wleidydd craff ac yn asset i’r Blaid. Mae gynno fo bleidlais bersonol gref ymysg yr etholwyr ’swn i’n feddwl.

Mae o’n sicr wedi cyflawni llwyth dros y Blaid a Chymru.

Ac yn bendant, ’sa’n well gen i ei fod o tu mewn i’r dent yn piso allan nac ar y tu allan i’r dent yn piso i mewn!

Jones 22 Mehefin 2012, 15:48

Yn y papur gwyrdd mae’n dweud yn y dyfodol ni fydd Arglwyddi / ASau yn cael eistedd fel AC.

Dwi’n tybio be sydd fwy pwysig i Dafydd – bod yn AC ta yn Arglwydd?. DYMA pryd nawni weld be sy’n bwysicach iddo.

Sion 22 Mehefin 2012, 15:57

Ond y broblem Elis yw bod Dafydd Elis Thomas y tu fewn i’r dent yn piso mewn.

Ar ddiwedd y dydd, mae aelodau’r blaid wedi pleidleisio yn eu miloedd dros Leanne Wood fel arweinydd, er lles Cymru dylai’r Aelodau Cynulliad eraill dderbyn hynny nawr, dangos ychydig o deyrngarwch a trio bod bach mwy tebyg iddi hi. Enillodd hi yn rhannol achos mae pobl yn gweld hi fel gwleidydd egwyddorol.

Mae cael gwahanol farn o fewn y Blaid yn iawn, ond mae beirniadu’r arweinydd yn gyhoeddus yn beth arall. Os chi’n credu mewn democratiaeth, Leanne Wood yw arweinydd Plaid Cymru, mae’r bobl wedi siarad.

Barcud 22 Mehefin 2012, 17:23

Y problem ydy i LLHG glepio am trafodaethau dan reolau Chatham-rheol sanctaidd ym mywyd gwleidyddol ac yn ddios mae wedi colli llawer iawn o barch oherwydd hynny.

Beth bynnag eich barn am DET mae’n lwynog gwleidyddol efo llawer iawn i’w gyfrannu eto-ac mae angen pob llwynog o’r fath ar y mudiad cenedlaethol y dyddiau yma

CGT 22 Mehefin 2012, 18:20

Ddim yn siwr beth i feddwl am hyn. Ni chredaf y dylai DET fod wedi bod mor feirniadol, ond mae gwleidyddion yn siarad ‘off the record’ weithiau – hyd yn oed gyda neyddiadurwyr (‘Behind the chair’ yw un term yn San Steffan , mi gredaf ) . Yn sicr , mae LLHG yn gwneud peth drwg iddo’i hun drwy hel clecs am yr ‘Arglwydd’ .
A yw Leanne Wood wedi colli rheolaeth ar y blaid hyd yn oed cyn iddi ei gael ? . Y sicr , trodd y mis mel yn sur yn syth.
Buasai cenedlaetholdeb wedi bod ar ei elw petai DET wedi ymddeol o wleidyddiaeth ymhell cyn yr etholiad diwethaf.

Jones 22 Mehefin 2012, 20:01

Dwi’n darllen lot yn deud bod “Dafydd El yn wleidydd effeithiol/gwych”. Ac dwi hefyd wedi bod yn euog o ddweud hyn.

Ond wrth sefyll a meddwl, dwnim os ydio’n haeddu cael y label yma. Am flynyddoedd roedd o yn AS, a dwim yn meddwl nath o helpu gael unrhyw ddeddf drwadd. I gymharu- gyda help eraill nath Wigley gael ddeddf yn ymwneud a plant. Fel cadeirydd y bwrdd yr iaith, nath om really wneud dim. Da chin meddwl wedyn am y refferendwm yn 1997 da chin meddwl am pobl fel Davies, Hain, Wigley, Richards – ond dim Elis-Thomas, odd actuall yn ran uchel or ymgyrch?. Yna nath Plaid ddim cael llwyddiant ysgubol dan ei arweiniad ef.

Yr UNIG beth allai roi clod iddo oedd nath o helpu gael Alun Michael allan- ond dwi or farn y fysa hyn wedi digwydd anyway. Felly dwi yn teimlo bod lot o’i amser fel Llywydd yn cael ei or-ddweud. A mae hyn yn eithaf trist gorfod dweud.

Felly weithiau oherwydd bod rywun wedi bod o gwmpas mor hir, danin teimlo mae raid bod nwn effeithiol. Ond efallai yn yr achos yma, mae’r dyn wedi digwydd bod yn lle iawn ar yr amser iawn, a dani wedi cysylltu fo fo hyn. Do mae o wedi cael lot o deitlau – ond be mae o wedi gyflawni?

Y pwynt olaf nai ddeud amdano yw y fo ar raglen nadolig Tudur Owen – odd hwn yn deud y cyfan!.

Hirben 22 Mehefin 2012, 20:54

Falle eich bod chi i gyd yn anwybyddu’r prif bwynt yn y stori hon – sef fod aelodau amlwg y Blaid yn anhapus gyda’r arweinyddiaeth presennol. Beth mae Leanne Wood wedi ei gyflawni hyd yma? Mae’r cyhoeddusrwydd a gafodd hyd yma wedi bod ynglyn â rhywbeth negyddol, sef gwrthod mynd i ddathliadau’r Jiwbil. Nid ydyw wedi gwneud unrhyw sylwadau cadarnhaol na dangos ei bod o’r calibr i arwain.

Barcud 22 Mehefin 2012, 21:23

mae angen dechrau gweld arweinyddiaeth a gweledigaeth. Hawdd yw byw ar rethreg a rhamant

Rhys Gethin 23 Mehefin 2012, 00:09

Mae Jason, Elis a Ben yn siarad llawer o sens yma – dwi wedi laru ar glywed pobl yn galw ar Dafydd El i adael y Blaid. Ni fyddai Cymru yn y sefyllfa y mae hi heddiw oni bai am Dafydd. Yn debyg i Alex Salmond yn yr Alban, mae o wedi defnyddio’r Frenhines i brysuro datganoli, sy’n waith cyfrwys. Bydd haneswyr yn edrych yn ôl ar y cyfnod ymhen blynyddoedd ac yn pwyso a mesur ei wir ddylanwad. A nac ydw, dydw i ddim yn hoff iawn o Dafydd bob amser chwaith. Ond mae’n rhaid parchu yr hyn y mae wedi ei wneud dros ddeugain mlynedd.

Ifor Williams 23 Mehefin 2012, 00:10

Dwi ddom yn cytuno gyda Dafydd El ar fater a Queen ond am ‘shit’ o beth i wneud Llyr …Bach fel ei dad.

Ifor Williams 23 Mehefin 2012, 00:11

Ie a chytuno gant y cant a Rhys Gethin uchod ynglyn a chyfraniad Dafydd El ..

Dewi 23 Mehefin 2012, 09:33

Ifor a Rhys:
Wel c’mon ta- dudwch yn union be mae wedii gyflawni? Rhowch 3 engraifft i mi. Ac maen hollol absurd rhoi yr Arglwydd (ia gai atgoffa nath o gymryd hwn yn erbyn polisi y blaid!) yn yr un grwp a Salmond!

Jones 23 Mehefin 2012, 09:49

Rhys Gethin- “mae o wedi defnyddio’r Frenhines i brysuro datganoli, sy’n waith cyfrwys.” BE?!? SUT?!?

Ifor Williams 23 Mehefin 2012, 13:06

1. Cael Gwared ar yr arch- idiot Alun Michael
2. Galw y Senedd y Senedd – anhygoel
3. Llywodraeth Cymru – nid Llywodraeth Cynulliad Cymru

Hen gadno yw Dafydd El sydd wedi gwneud llawer dros Gymru ‘ o dan y radar’

Llyr Huws y fath o chap mewn ysgol uwchradd bydde’r bechgyn eraill wedi rhoi ei ben yn y toilet

Jones 23 Mehefin 2012, 17:53

Ifor;
1. Cytuno – ond mae’n debyg fysa fo wedi mynd anyway.
2. Os mai hyn yw un o’i highlights wel maen deud y cyfan dydy. E.e oes rhywun yn gwybod beth yw enw adeilad Senedd Ewrop?Na. Ac os mae rhywun yn meddwl bod enwi adeilad yn rhywbeth da, wel maen dangos pa fath o berson ydy nhw.
3. Carwyn Jones nath hyn nid Dafydd El!.

Felly gai ddau i fynd hefo rhif 1.

CO Jones 23 Mehefin 2012, 20:34

Un o nifer oedd Dafydd El yn saga Alun Michael.
Chwaraeodd Wigley a IWJ rannau llawer mwy allweddol.
Heblaw am hyrwyddo ei hun a chyfoethogi ei hun yn y broses be mae Daf el wedi gwneud sy wedi gwthio Plaid Cymru ymlaen, gwthio agenda Plaid Cymru ymlaen, wedi gneud cymuneda Cymru’n rai gwell i fyw ynddynt?

Hunanoldeb sy’n ei yrru. Dyna pam ei fod am gael ei weld fatha’r victim, a gora po gynta y mae pobl yn sylweddoli hynna.

Ei Dweud Hi 23 Mehefin 2012, 21:00

Drycin mewn gwniadur. Ffrae o fewn Plaid Cymru? Pwy sy’n malio.

Ifor Williams 24 Mehefin 2012, 00:50

Ma hi hefyd yn dod yn amlwg nawr y bydde Dafydd El wedi bod canwaith gwell na Leanne Wood … come on admit it

Ifor Williams 24 Mehefin 2012, 02:53

Peth arall ma’r holl ‘ddisgyblu’ yma ac ymosod ar ei gilydd er engraifft crwsad Helen Mary Jones yn erbyn dynion yn gwneud drwg mawr i Blaid Cymru Neil McEvoy

Medwen Scourfield 26 Mehefin 2012, 19:29

Diolch Ifor Williams am siarad synnwyr – mae cyfranaid Dafydd El i ddatganoli wedi bod yn aruthrol. Ef hefyd sydd wedi rhoi urddas i’r Senedd. Pan byddir yn darllen llyfrau hanes y dyfodol fe welir yn eglur iawn sut y bu gyfeillgawrch Dafydd El a’r Teulu Brenhinol newid meddwl y Frenhiniaeth ar ddatganoli — meddylwich am araith y Frenhines yn niwedd y 70au am ei rol. Gwelwyd newid cyfangwbl ganddi.

Ond ta waeth am hanes – nid yw hyn a ddigwyddodd gyda Llyr yn dderbyniol. Dros ginio preifat ydy pawb sydd wedi ysgrifennu yn erbyn Dafydd El am ddweud nad ydynt wedi dweud unrhyw beth y byddai’n corddi pe byddai cyd-fwytawyr wedi cario clecs … scarsli bilif! Ydy Adam Jones mor wyn a hynny? Gwyn ei fyd! Mae yna sut bethau a ymddiriedaeth – a thra bod Dafydd El yn deyrngar i’r Blaid yn gyhoeddus onid oes ganddo’r hawl i ddweud ei ddweud yn breifat? Efallai nad wy Llyr yn credu yn hyn – fe gofiwn hynny pan wneiff e ddweud ei farn ar rywun – cyhoedder yn gyhoeddus!

Medwen Scourfield 26 Mehefin 2012, 21:47

Yn union Barcud – nid yn unig mewn trafodaeth gwleidyddol ond hefyd mewn cinio o fobl proffesiynol mae Rheolau Chatham yn hollbwysig … mae hynny yn un o ganllawiau nid-oes-angen- dweud bywyd.

Mae’r sylwadau wedi cau.

Dafydd Êl yn cwyno, ond Llŷr Huws Gruffydd ddim am ymateb

Yr hen ben yn anhapus gydag AC ifanc y gogledd

Poblogaidd

Swyddi

Is-ddatblygwr Meddalwedd

Pennaeth Cwynion Gwasanaethau Cyhoeddus

Cynhyrchydd Cynnwys Digidol

Swyddog Ardal Wledig (Dyffryn Conwy)

Comisiynwyr/ Aelodau Bwrdd i Gomisiwn Dylunio Cymru

← Stori flaenorol

Marwolaeth Carson Price: bachgen, 15, yn pledio’n euog o gyflenwi cyffuriau

Stori nesaf →

Mitsubishi’n buddsoddi miliynau yng Nghymru

Hefyd →

Pryderon difrifol am sefyllfa ariannol dau fwrdd iechyd

28 sylw