Rhys Ifans a'i gariad Anna Friel
Fe fu’r actor o Gymru Rhys Ifans yn cerdded ar y carped coch neithiwr law yn llaw â’i bartner Anna Friel cyn première y ffilm The Amazing Spiderman.
Mae Rhys Ifans, sy’n adnabyddus am chwarae rhan Spikey yn y ffilm ‘Notting Hill’, yn chwarae rhan Curt Connors, sydd yn cael ei droi i mewn i ddihiryn pennaf y ffilm, The Lizard.
Mae disgwyl i The Amazing Spiderman fod yn un o ffilmiau mwyaf llwyddiannus y flwyddyn.
Dywedodd Rhys Ifans fod gweld ei hun mewn 3D am y tro cyntaf yn brofiad rhyfedd iawn.
“Doeddwn i erioed wedi gweld ffilm mewn 3D o’r dechrau i’r diwedd o’r blaen, felly roedd gweld fy hun mewn 3D, ac yn 25 troedfedd, yn sbwci!”
Bydd The Amazing SpiderMan yn y sinemau ar 3 Gorffennaf.
