George North
Fe ddechreuodd Cymru yr Ail Brawf yn addawol ym Melbourne gyda George North yn sgorio cais hyfryd ar ôl tri munud, a throsiad llwyddiannus gan Leigh Halfpenny.
Roedd pethau’n edrych yn dda i’r Cymry, felly, gyda’r Wallabies yn edrych braidd yn sigledig.
Ond yna, o dan arweiniad Genia a Pocock, fe lwyddodd yr Awstraliaid i gynyddu’r pwysau ar Gymru. Bu Barnes yn llwyddiannus gyda thair cic cosb, ac yna fe sgoriodd y Wallabies gais. Rob Horne wnaeth groesi’r llinell gais ar ôl i’r Awstraliaid lwyddo i dorri llinell amddiffynnol y Cymry.
A fydd hon yn ergyd farwol i Gymru? Bydd yn rhaid iddyn nhw frwydro’n galed yn yr ail hanner er mwyn gwireddu’r freuddwyd o guro’r Wallabies am y tro cyntaf yn Awstralia ers 43 mlynedd.
