Irene Lawless
Mae Heddlu Dyfed- Powys wedi cadarnhau bod dyn wedi ei gyhuddo o lofruddio Irene Lawless ym mhentref Llanllwni yn Sir Gaerfyrddin.
Mae’r heddlu wedi cyhuddo Darren Martin Jackson, 26 oed, o ladd Irene Lawless, 67.
Cafodd ei darganfod yn farw yn ei chartref yn Llanllwni ddechrau’r wythnos hon.
Mae Pam Kelly o’r Heddlu wedi diolch i gymuned fechan Llanllwni am eu cefnogaeth drwy gydol yr ymchwiliad.
Fe fydd Darren Martin Jackson o Gaint yn ymddangos yn Llys Ynadon Llanelli heddiw.
Trist iawn. Sut oedd hwn yn Llanllwni? Ar ei wyliau?
Pam mae Golwg 360 wedi gwneud sylw mawr o’r ffaith mai Sais oedd y boi? Beth mae hwn yn cyfrannu at y stori ar wahân i gynhyrfu tensiynau? Gwael.
Gyda llaw……pan gafodd y ferch hynna o Fryste ei llofruddio fe arestiwyd dyn o’r Iseldiroedd. Sut wyf yn gwybod? Achos fod y ffaith yma wedi ei adrodd yn y papurau ac ar y newyddion ar y teledu a’r we. Felly, does dim rhaid teimlo fel bod y Saeson yn cael cam.
A fyddai’n well gan Neb pwysig i Golwg360 ddweud ‘Prydeiniwr o Gaint’? A fyddai hynny’n cyfleu’n gywirach i ba genedl y mae’n perthyn, tybed? Os mai Sais ydyw yn hytrach na Chymro neu Eidalwr neu Sbaenwr, Sais ydi o, a rhaid dweud hynny. Petai Cymro o Lanllwni wedi ei arestio am lofruddio dynes yng Nghaint, fe gyfeirid ato fel Cymro o Lanllwni. Go brin y byddai neb yn ei alw’n ‘Brydeiniwr o Lanllwni’.
