Mae Heddlu Dyfed-Powys yn apelio am wybodaeth yn dilyn gwrthdrawiad ar y ffordd rhwng Treberfedd a’r Trallwng neithiwr (nos Wener, Ionawr 24).
Fe ddigwyddodd ar ffordd A458 am oddeutu 11.20 pan darodd Citroën Saxo glas a Fiat 500 coch.
Fe wnaeth y Fiat 500 daro polyn gan achosi i drigolion yr ardal golli eu cyflenwadau trydan.
Yn fuan wedyn, fe wnaeth Renault Clio lliw arian daro’r Citroën Saxo.
Cafodd gyrrwr y Saxo anafiadau difrifol, a chafodd gyrrwr a theithwyr y Fiat eu cludo i’r ysbyty am driniaeth.
Dylai unrhyw un â gwybodaeth a/neu ddeunydd dashcam gysylltu â’r heddlu.
