Mae’r heddlu’n apelio ar ôl i redwr 51 oed gael ei daro gan gar yn ardal Penfro ar Ddydd Nadolig.

Fe ddigwyddodd yn ardal Millpond Bridge am ganol dydd.

Mae lle i gredu bod y rhedwr wedi cael ei daro gan Skoda Fabia lliw golau wrth groesi’r bont i gyfeiriad Penfro.

Cafodd ei gludo i’r ysbyty ag anafiadau difrifol i’w ben, ac mae e mewn cyflwr difrifol o hyd.

Dylai unrhyw un â gwybodaeth gysylltu â’r heddlu ar 101.