Ffrainc: 19 Lloegr: 12
Ceiliogod Ffrainc fydd gwrthwynebwyr Cymru yn rownd gynderfynol Cwpan Rygbi’r Byd.
Roedd tîm Ffrainc wedi cael eu beirniadu’n hallt ar ôl y gyflafan yn erbyn Tonga. Ond pan ddaeth hi’n awr y frwydr fawr yn erbyn yr hen elyn, Lloegr, y crysau gleision aeth â hi, a hynny gyda thipyn o sgil a phenderfyniad.
Dechrau digon ara’ deg a gafodd Lloegr, ac fe’u siglwyd gan ddau gais cynnar. 16 – 0 i Ffrainc oedd y sgôr am gyfnod hir, ac roedd Ffrainc yn edrych yn ddiguro.
Mi wnaeth Lloegr frwydro’n ôl yn yr ail hanner ond mi roedd hi’n rhy hwyr. Ffrainc wnaeth ennill y dydd ac mae pawb yn awr yn edrych ymlaen yn awr at y rownd gynderfynol pan fydd dau dîm sydd wedi arddangos doniau disglair a phenderfyniad yn wynebu’i gilydd.
Cymru yn erbyn Ffrainc. Dyna i chi ornest fydd yn werth ei gweld!
