Mae diffoddwyr wedi bod yn brwydro tân mawr dros nos sydd wedi cydio yn y Bontfaen, ym Mro Morgannwg ar safle gwerthu cynnyrch coed.
Cafodd y gwasanaeth tân eu galw am 11.25yh neithiwr (nos Sul, Mai 19) yn dilyn adroddiadau am dân ar safle Forest Products.
Mae tua 20 o ddiffoddwyr tân a swyddogion tactegol ynghyd a naw injan dân wedi bod yn ceisio diffodd y tân drwy’r nos. Nid oes unrhyw un wedi cael eu hanafu.
Mae preswylwyr lleol yn cael eu cynghori i aros yn eu cartrefi a chau eu ffenestri oherwydd y mwg.
Yn ôl Gwasanaeth Tân ac Achub De Cymru mae’r criwiau yn gweithio’n galed i sicrhau nad yw’r tân yn lledaenu i adeiladau cyfagos.
