Bu dathliadau mawr yn Neuadd Hoddinott yng Nghanolfan y Mileniwm, Caerdydd, neithiwr (nos Iau, Ebrill 11) wrth i enillwyr Gwobrau Gwerin Cymru 2019 gael eu cyhoeddi.
Mae’r gwobrau yn dathlu perfformwyr talentog sin cerddoriaeth werin a thraddodiadol Cymru sydd wedi creu argraff gartref ac mewn gwyliau ar draws Gwledydd Prydain ac Ewrop.
Bu perfformiadau neithiwr gan Gwilym Bowen Rhys, The Trials of Cato, VRï a Calan o flaen torf o 350 o bobol.
Roedd 10 artist yn fuddugol neithiwr mewn 11 categori gwahanol.
Fe gawson nhw eu dewis gan banel enwebu gyda chymysgedd o gerddorion hen ac ifanc, trefnwyr clybiau a gwylia newyddiadurwyr, hyrwyddwyr a selogion y sin cerddoriaeth gwerin.
Enillwyr
Alaw – Trac offerynnol orau – ‘Dawns Soïg/ Dawns y Gŵr Marw’
Martyn Joseph – Cân Saesneg Wreiddiol Orau – ‘Here Come the Young’
Gwilym Bowen Rhys – Artist Unigol Orau
VRï – Y Gân Gymraeg Draddodiadol Orau – ‘Ffoles Llantrisant’
Pendevig – Perfformiad Byw Gorau
Lleuwen – Cân Gymraeg Wreiddiol Orau – ‘Bendigeidfran’
The Trials of Cato – Band Gorau Sy’n Dechrau Dod i’r Amlwg
Calan – Grŵp Gorau
VRï – Albwm Gorau – Tŷ ein Tadau
Gwobrau Gwerin Cymru
Trac – sef datblygwyr traddodiadau gwerin yng Nghymru, ynghyd a BBC Radio Cymru, Cyngor Celfyddydau Cymru a cherddorion gwerin Cymraeg adnabyddus fel Huw Williams a Stephen Rees sydd wedi sefydlu’r gwobrau.
Fe fydd y noson yn cael ei ddarlledu ar raglen Awr Werin Lisa ar BBC Radio Cymru ac ar raglen Celtic Heartbeat Frank Hennessey ar BBC Radio Wales.
