Mae disgwyl i westy yn Aberystwyth a aeth ar dân y llynedd gael ei ddymchwel yn “rhannol” yn ystod yr wythnosau nesaf.
Mae’r ardal o gwmpas Tŷ Belgrave ar y prom wedi bod ynghau i’r cyhoedd ers y digwyddiad yn ystod oriau mân y bore ar Orffennaf 25.
Mae golwg360 yn deall y bydd y gwaith dymchwel yn cael ei gynnal rhwng Chwefror 18 a Mawrth 15, pan Cyngor Sir Ceredigion yn cau rhan o’r ffordd.
Yn ôl llefarydd ar ran y cyngor, maen nhw wedi cael cais i gau’r ffordd er mwyn:
- hwyluso’r gwaith o ddymchwel yn rhannol;
- cael gwared ar elfennau strwythurol o’r to sydd wedi cael niwed;
- cael gwared ar y rwbel sydd yn yr adeilad;
- ailasesu cryfder y wal sy’n weddill rhwng Tŷ Belgrave a’r Belle Vue.
