Mae disgwyl i Lywodraeth San Steffan gyhoeddi buddsoddiad gwerth biliynau o bunnau yn atomfa Wylfa Newydd yn Ynys Môn prynhawn ma.
Fe fydd yr Ysgrifennydd Busnes Greg Clark yn rhoi manylion ynglŷn â’r cytundeb i Aelodau Seneddol yn ddiweddarach heddiw (dydd Llun, 4 Mehefin).
Mae disgwyl y bydd y Llywodraeth yn gwneud buddsoddiad uniongyrchol yn y prosiect ynghyd a llywodraeth Japan, a chwmni Pŵer Niwclear Horizon, un o is-gwmnïau Hitachi, sy’n datblygu’r prosiect.
Dywedodd swyddog cenedlaethol undeb y GMB, Justin Bowden, y bydd yr atomfa “yn creu miloedd o swyddi newydd a phrentisiaethau, sy’n golygu hwb anferthol i’r economi a thrydan dibynadwy i filoedd o gartrefi.”
