O fewn ychydig oriau’n unig, mae mwy na 3,000 o bobol wedi arwyddo deiseb yn gwrthwynebu ailenwi’r ail Bont Hafren yn ‘Bont Tywysog Cymru’.
Mae’r ddeiseb yn galw ar Ysgrifennydd Cymru, Alun Cairns, i ail-feddwl, ac mae nifer o bobol wedi ymateb yn chwyrn i’r penderfyniad a gafodd ei gyhoeddi gan Lywodraeth Prydain heddiw heb ymgynghori â Chymru o gwbwl.
Dywed Alun Cairns y byddai enwi’r bont ar ôl y Tywysog Charles yn “deyrnged addas” iddo yn ystod blwyddyn ei ben-blwydd yn 70 oed.
Fe ddaeth i’r amlwg heddiw nad oedd Llywodraeth San Steffan wedi ymgynghori â neb yng Nghymru ynghylch y newid enw, ond bod Ysgrifennydd Cymru wedi ysgrifennu at y Prif Weinidog, Carwyn Jones, y llynedd, yn nodi bod hyn yn mynd i ddigwydd.
Dywedodd llefarydd ar ran Carwyn Jones, nad oedd wedi codi unrhyw wrthwynebiad ar y pryd.
Mae Llywydd y Cynulliad, Elin Jones, wedi dweud ar Twitter na chafodd yr Aelodau Cynulliad eu hymgynghori ar yr enw.
A ymgynghorwyd gyda Llywodraeth Cymru ar newid enw Pont Hafren? Yn sicr, dim ymgynghoriad gyda Chynulliad Cymru.
I wonder whether WelshGov was consulted on #PrinceofWalesbridge name change? Definitely no consultation with National Assembly.— Elin Jones (@ElinCeredigion) April 5, 2018
Mae’r bont dros yr Hafren yn enw benywaidd. Cymryd na fedrir defnyddio #tywysogcymru fel enw felly. #tywysogesbeatrice amdani!
— Elin Jones (@ElinCeredigion) April 5, 2018
Ac mae eraill ar y cyfryngau cymdeithasol wedi mynegi eu barn ar yr enw:
Dwi mor flin am y llywodraeth yn ail enwi Pont Hafren fel fy mod i am feddwl am betha clyfar i roi ar twitter gwasgu 'like' loads o weithia. #chwyldroadol #manwnchwerthin #daninffycd
— Tudur Owen (@Tudur) April 5, 2018
Cwbwl amlwg i unrhywun be bynnag fo’i farn,bod hwn yn benderfyniad dadleuol+ ansensitif i’r rhai sy’n gwarchod a pharchu treftadaeth,diwylliant a hanes Cymru.Y cwestiwn pryderus-sut bod hyn yn medru digwydd mor llechwraidd+di-rybudd mewn gwlad ddemocrataidd,yn honedig #PontHafren
— Iola Wyn (@IolaWen) April 5, 2018
Sylw Harri Webb ar Bont Hafren.
Harri Webb on the 1st Severn BridgeTwo lands at last united
Across the waters wide
And all the tolls collected
On the Engish side— Hywel Williams AS/MP (@HywelPlaidCymru) April 5, 2018
Un enghraifft yn unig o #ProjectWesternEngland ydi'r miri am enwi Pont Hafren. #Brexit sy wedi symbylu hyn.
Atgyfnerthu #Prydeindod #Brenhiniaeth
Gallwn ddisgwyl llawer mwy o'r math yma o lol gan Carns a'i debyg.
#TarorPost— Robat Idris (@RobatIdris) April 5, 2018
