Cynghorau: Llafur yn osgoi chwalfa

Caerdydd - buddugoliaeth fwya'r Blaid Lafur (Ashley 0690 CCA3.0)
Y diweddara’ – Mae’r bore cynnar wedi gorffen yn dda i’r Ceidwadwyr wrth gipio seddi ym Mro Morgannwg a mwy na dyblu nifer eu cynghorwyr.

Fe gollodd Plaid Cymru seddi wrth i’r Toriaid gipio’r bedair yn yr un ward oedd yn weddill – Dinas Powis.

Mae’n golygu fod ganddyn nhw bellach 23 o seddi – cynnydd o 12 – digon bron i reoli’r cyngor yn ardal Ysgrifennydd Cymru, Alun Cairns.

Llafur yn cadw Caerdydd

Gyda rhai seddi’n weddill, mae Llafur wedi gwneud digon i ddal grym yng Nghaerdydd ac, efallai, gryfhau.

Gyda rhai seddi eto i’w cyfri, maen nhw wedi ennill 38 o’r 75 sedd, llawer gwell na’r disgwyl.

Ym Mro Morgannwg, mae seddi Dinas Powis yn weddill oherwydd ailgyfri’ a’r Ceidwadwyr eisoes yn gwybod mai nhw fydd y blaid fwya’, gan ennill wyth sedd, yn benna’ oddi ar Lafur.

Yn etholiadau cyngor sir Cymru, roedd hi’n noson gymysg i’r pleidiau i gyd.

Llafur – wedi colli gafael ar Flaenau Gwent, Pen-y-bont ar Ogwr ac, efallai, ar Ferthyr, ond yn gwneud yn well na’r disgwyl hyd yn hyn yng Nghasnewydd, Caerdydd ac Abertawe.
Ceidwadwyr – yn ennill tir mewn sawl man, gan gynnwys Pen-y-bont ac yn cipio grym yn Sir Fynwy, ond yn methu ag ennill yn y dinasoedd.
Plaid Cymru – ambell berfformiad cry’, er enghraifft yng Nghastell Nedd Port Talbot ond dim enillion syfrdanol.
Annibynnol – cryfhau’n gyffredinol ac yn cipio Blaenau Gwent.
Democratiaid Rhyddfrydol – yn colli ychydig o dir.

Dyma’r canlyniadau llawn hyd yn hyn

Abertawe

Rhyddhad mawr i Lafur, gan ddal gafael mewn grym a dim ond cynnydd bach i’r Ceidwadwyr, yn benna’ ar draul y Democratiaid Rhyddfrydol.

Llafur 48 (-1)

Ceidwadwyr 8 (+4)

Dem Rhydd 7 (-5)

Arall 9 (+2)

Blaenau Gwent

Roedd yr AC lleol. Alun Davies, yn siomedig wrth i Lafur golli rheolaeth. Yr Annibynwyr sydd bellach yn rheoli a’r arweinydd Llafur, Brendan Toomey, wedi colli ei sedd.

Annibynnwyr 26 (+14)

Llafur 12 (-17)

Plaid Cymru 1 (+1)

(Heb gynnwys ward Blaina eleni)

Bro Morgannwg

Ceidwadwyr 23 (+12)

Llafur 14 (-7)

Annibynnol 6 (-1)

Plaid Cymru 4 (-3)

UKIP 0 (-1)

Casnewydd

Dyma ardal lle’r oedd y Ceidwadwyr yn disgwyl gwneud yn dda, gyda llygad ar y ddwy sedd yn yr Etholiad Cyffredinol … ond fe lwyddodd Llafur i ddal ei thir yn weddol.

Llafur 31 (-6)

Ceidwadwyr 12 (+2)

Annibynnol 5 (+3)

Dem Rhydd 2 (+1)

Castell Nedd Port Talbot

Dyma berfformiad cryfa’ Plaid Cymru cyn y cyfri’ yn eu cadarnleoedd, gan ddechrau wneud marc yn ardal Port Talbot. Ond maen nhw’n dal i fod yn wannach nag ar ddechrau’r Milenniwm.

Llafur 45 (-7)

Plaid Cymru 15 (+7)

Annibynnol 5

Dem Rhydd 1 (+1)

Ceredigion

Mae’r arweinydd, Elen ap Gwynn, eisoes wedi dweud y bydd rhaid i Blaid Cymru gydweithio er mwyn parhau i arwain y cyngor

Plaid Cymru 19

Annibynnol 13 (-1)

Dem Rhydd 8 (+1)

Llafur 1

Gwag 1

Merthyr Tudful

Mae’r canlyniad yn y fantol, gyda thair sedd i’w penderfynu ymhen y mis, ar ôl marwolaeth un ymgeisydd. Ond mae Llafur wedi colli’n drwm ac mewn peryg o golli rheolaeth.

Llafur 14 (-9_

Annibynnol 16 (+7)

UKIP 0 (-1)

Pen-y-bont ar Ogwr

Colled drom i Lafur, yn ardal Prif Weinidog Cymru, Carwyn Jones. Cynnydd anferth i’r Ceidwadwyr, efallai o ganlyniad i ymweliad gan Brif Weinidog Prydain, Theresa May.

Llafur 26 (-13)

Ceidwadwyr 11 (+10)

Annibynnol 13 (+3)

Plaid Cymru 3 (+2)

Dem Rhydd 1 (-2)

Sir Fynwy

Y Ceidwadwyr yn cryfhau digon i allu rheoli heb gymorth y Democratiaid Rhyddfrydol.

Ceidwadwyr 26 (+7)

Llafur 10 (-2)

Annibynnol 5 (-5)

Dem Rhydd 3

Sir y Fflint