Mae’r heddlu’n ymchwilio i dân yng nghartref mam-gu a thad-cu gwraig y pêl-droediwr Gareth Bale yng Nghaerdydd.
Cafodd cartref a char y cwpwl – sy’n 79 ac 84 oed – eu targedu, yn ôl adroddiadau.
Mae lle i gredu bod ail gar wedi’i orchuddio â phetrol ond nad oedd wedi mynd ar dân.
Dywed yr heddlu eu bod nhw’n trin y digwyddiad fel difrod troseddol a thân bwriadol.
Mae Bale, ei wraig Emma Rhys-Jones a’u dau o blant yn byw ym Madrid, ac fe gawson nhw wybod am y digwyddiad dros y ffôn.
