Chloe Allen
Mae Heddlu De Cymru yn apelio am wybodaeth yn dilyn diflaniad merch 15 oed o Abertawe.
Does neb wedi gweld Chloe Allen o ardal Gellifedw’r ddinas ers tua 7 o’r gloch nos Lun, Medi 12.
Mae hi’n 5’4” a chanddi wallt melyn. Pan aeth hi ar goll, roedd hi’n gwisgo jeans du, esgidiau rhedeg Nike a thop glas. Mae ganddi gyswllt ag ardal Llanelli hefyd.
Dylai unrhyw un â gwybodaeth gysylltu â’r heddlu ar y rhif ffôn, 101.
