Llys Ynadon Caerdydd
Mae dyn wedi ymddangos gerbron llys ar gyhuddiad o lofruddio dyn o Gaerdydd wythnos ddiwethaf.
Mae Stephen John Pike, 58 oed, wedi’i gyhuddo o lofruddio Clint Simms, 39 oed, yn Nhrelái, Caerdydd ddydd Iau, 3 Mawrth.
Cafwyd hyd i Clint Simms wedi’i anafu yn Heol Glyndwr, Trelái am 11.31yb fore dydd Iau.
Fe ymddangosodd Stephen Pike, o Drelái, gerbron Llys Ynadon Caerdydd heddiw ar gyhuddiad o lofruddiaeth a dau gyhuddiad o fod a chyllell yn ei feddiant mewn man cyhoeddus.
Fe siaradodd i gadarnhau ei enw yn unig yn ystod y gwrandawiad byr a chafodd ei gadw yn y ddalfa.
Mae disgwyl iddo fynd gerbron Llys y Goron Caerdydd ddydd Mawrth, 8 Mawrth.
