Mae cwest i farwolaeth bachgen 12 oed wedi clywed iddo gael ei ganfod yn farw ar lawr ei ystafell wely gan aelod o’i deulu.
Roedd Marc Aguilar yn ddisgybl Blwyddyn 8 yn Ysgol Gyfun Bro Edern yng Nghaerdydd.
Cafodd y gwasanaethau brys eu galw i’w gartref yn Llaneirwg brynhawn dydd Sadwrn, Medi 14.
Dywed adroddiad gan batholegydd fod angen ymchwiliad pellach cyn cadarnhau sut y bu farw’r bachgen.
Ond dywedodd y crwner fod y farwolaeth yn un annaturiol a bod angen cynnal cwest, sydd bellach wedi cael ei ohirio er mwyn cynnal yr ymchwiliad.
Dywed yr heddlu nad oedd unrhyw amgylchiadau amheus ynghylch marwolaeth y bachgen oedd, yn ôl Ysgol Gyfun Bro Edern, yn “ddisgybl poblogaidd a hoffus oedd yn serennu ym myd y campau”.
“Roedd ganddo lawer o ffrindiau ym Mro Edern a bydd colled fawr ar ei ôl,” medden nhw.
