Mae dwy ddynes yn cael triniaeth yn yr ysbyty yn dilyn tân mewn tŷ yn Abergele bore ma.
Cafodd Gwasanaethau Tân ac Achub Gogledd Cymru eu galw i’r tŷ yn Gorwel, Abergele am 4.20yb fore dydd Llun.
Cafodd dynes ei achub o’r eiddo gan ddiffoddwyr tân ac fe lwyddodd dynes arall i ddianc o’r tŷ.
Mae diffoddwyr tân yn parhau ar y safle ac fe fydd ymchwiliad i achos y tân yn cael ei gynnal.
