Timau achub mynydd Dyffryn Ogwen yn cynnal ymarfer
Mae Heddlu’r Gogledd yn dweud bod dau ddringwr oedd wedi mynd i drafferthion yn yr eira yn Eryri bellach wedi cael eu hachub.
Fe wnaeth y dringwyr alw am gymorth am 5.30 brynhawn dydd Mercher ar ôl mynd i drafferthion yn ardal y Glyder Fach.
Methodd hofrennydd achub gwylwyr y glannau gyrraedd y ddau neithiwr oherwydd stormydd eira, gwyntoedd cryfion a chymylau isel.
Cafodd y chwilio ei ohirio am 1:00 bore dydd Iau ond fe lwyddodd aelodau o Dîm Achub Mynydd Dyffryn Ogwen i siarad â’r dringwyr y bore yma.
Ni fu’n rhaid i’r ddau gael triniaeth.
Mae Heddlu’r Gogledd yn cynghori pobl i edrych ar y rhagolygon tywydd cyn mentro i ddringo mynyddoedd Eryri.
