Mae Mentrau Iaith a’r papurau bro ymysg y sefydliadau sy’n rhannu bron i £260,000 i helpu pawb i ddefnyddio mwy o Gymraeg.
Mae Jeremy Miles, Ysgrifennydd Addysg a’r Gymraeg yn Llywodraeth Cymru, wedi cyhoeddi bod cyllid newydd ar gael i 36 o sefydliadau i’w helpu i barhau â’u gwaith pwysig er gwaetha’r ffaith fod costau byw yn cynyddu.
Bydd y Mentrau Iaith, sy’n darparu gweithgareddau a chyfleoedd yn Gymraeg i bobol yn eu hardal leol, yn cael taliad untro er mwyn mynd i’r afael â chynnydd mewn costau gweinyddu ac i godi cyflogau.
Mae’r Mentrau yn cefnogi siaradwyr Cymraeg o bob oed a’r gallu i ddefnyddio mwy o Gymraeg.
Mae’r papurau bro yn rhwydwaith o 53 o bapurau newydd Cymraeg lleol gan y gymuned ar gyfer y gymuned, er mwyn rhannu straeon, digwyddiadau a gwybodaeth leol.
Bydd pob un yn derbyn taliad i helpu â chostau cyhoeddi.
Bydd Prifysgol Bangor yn cael cyllid i barhau â’r gwaith ar Gynllun Gweithredu Technoleg Cymraeg Llywodraeth Cymru, ac i’w helpu i ddefnyddio mwy o Gymraeg yn y gweithle drwy brosiect ARFer.
‘Mae’r Gymraeg yn perthyn i ni i gyd’
“Mae’r Gymraeg yn perthyn i ni i gyd, a dylai pawb gael y cyfle i’w defnyddio hi yn eu bywydau bob dydd,” meddai Jeremy Miles.
“Bydd y taliad untro hwn yn helpu ein rhwydwaith o sefydliadau sy’n rhoi cymorth i bobol ddefnyddio’r Gymraeg yn sgil yr argyfwng costau byw.”
Bydd y sefydliadau canlynol yn derbyn cyllid:
Clybiau Ffermwyr Ifanc Cymru – £4,990.00
Merched y Wawr – £4,400.00
Mentrau Iaith Cymru – £6,400.00
Cered – £4,830.00
Hunaniaith – £6,680.00
Gwallgofiaid – £920.00
Dyffryn Nantlle 2020 – £120.00
Menter Iaith Abertawe – £4,090.00
Menter Iaith Blaenau Gwent, Tor-faen a Mynwy – £4,740.00
Menter Bro Ogwr – £2,400.00
Menter Caerdydd a’r Fro – £8,270.00
Menter Caerffili – £3,830.00
Menter Iaith Casnewydd – £2,400.00
Castell Nedd Port Talbot – £4,620.00
Menter Iaith Conwy – £4,230.00
Menter Iaith Sir Ddinbych – £3,270.00
Menter Iaith Merthyr – £2,400.00
Menter Iaith Môn – £5,330.00
Menter Iaith Maldwyn – £2,910.00
Menter Iaith Brycheiniog a Maesyfed – £2,400.00
Menter Iaith Rhondda Cynon Taf – £4,320.00
Menter Iaith Sir Benfro – £3,620.00
Menter Bro Dinefwr – £5,240.00
Menter Gorllewin Sir Gâr – £2,910.00
Menter Cwm Gwendraeth Elli – £4,640.00
Menter Iaith Fflint Wrecsam – £5,290.00
Cymdeithas Cyfieithwyr Cymru – £2,000.00
Prosiect WICI Llyfrgell Genedlaethol Cymru – £600.00
Prosiect ARFer (Prifysgol Bangor) – £2,680.00
Prifysgol Bangor – Technoleg Iaith – £14,000.00
Ysgol Gymraeg Llundain – £3,600.00
Mudiad Meithrin – £121,240.00
RhAG – £4,000.00
M-Sparc (Prifysgol Bangor) Hac y Gymraeg – £1,120.00
Bardd Plant Cymru – £200.00
Papurau Bro – £5,300.00
