Simon Lewis (Llun: Heddlu De Cymru)
Mae teyrngedau wedi’u rhoi i dad 33 oed a fu farw mewn damwain car ar Nos Galan.

Bu farw Simon Lewis o Gaerdydd pan fu’r car Daihatsu Sirion yr oedd yn ei yrru mewn gwrthdrawiad efo Peugeot 307 yn ardal Parc Tredelerch.

Mewn datganiad, datgelodd teulu Simon Lewis ei fod ar fin dod yn dad am yr eildro.

“Roedd Simon yn briod ag Amanda ers saith mlynedd, ac roedd ganddyn nhw ferch, Summer. Roedd yn ddyn poblogaidd iawn, ac roedd ei deulu’n golygu popeth iddo.

“Roedd yn dad ac yn wr arbennig, a oedd yn edrych ymlaen at enedigaeth mab.”