O wefan yr heddlu
Mae pobol Caernarfon wedi cael rhybudd i fod yn ofalus ar ôl dau ladrad tebyg o dai yn ystod y dyddiau diwetha’.
Roedd arian, bagiau llaw, eiddo personol a goriadau wedi cael eu dwyn, meddai Heddlu Gogledd Cymru.
Roedd un lladrad wedi digwydd dros nos Sul a’r llall yn oriau mân Noswyl Nadolig.
Yn y ddau achos, meddai’r Ditectif Gwnstabl Ceri Wasiuk, roedd y lleidr neu ladron wedi cymryd mantais o ddrysau heb eu cloi.
‘Gwyliadwrus’
“Mae’n werth atgoffa pob operchennog tŷ i fod yn wyliadwrus wastad,” meddai.
Mae’r heddlu wedi gofyn am wybodaeth am unrhyw un oedd yn ymddwyn yn ddrwgdybus – yn ardal Twtil nos Sul a Stryd Marcus neithiwr.
Fe ddylai pobol sydd â gwybodaeth alw Taclo’r Tacle ar 101 neu ffonio 0800 555 111 a chrybwyll RC15194267.
