Lloegr, Iran a’r Unol Daleithiau fyddai gwrthwynebwyr tîm pêl-droed Cymru pe baen nhw’n cyrraedd Cwpan y Byd yn Qatar yn ddiweddarach eleni.
Cafodd yr enwau eu tynnu o’r het yn Doha heno (nos Wener, Ebrill 1), a byddai Cymru yng Ngrŵp B.
Ond maen nhw’n wynebu gêm ail gyfle yn erbyn naill ai’r Alban neu Wcráin, er bod sefyllfa’r gêm honno’n dal yn aneglur ar hyn o bryd.
Pe bai Cymru’n cymhwyso, byddan nhw’n herio’r Unol Daleithiau ar Dachwedd 21, Iran ar Dachwedd 25 a Lloegr ar Dachwedd 29, ond dydy’r lleoliadau ddim wedi cael eu cadarnhau eto.
CWPAN Y BYD FIFA ?
Our potential @FIFAWorldCup opponents have been confirmed…#TogetherStronger pic.twitter.com/wYOLQtqr78
— Wales ??????? (@Cymru) April 1, 2022
Dyma’r grwpiau’n llawn:
The #FIFAWorldCup groups are set ?
We can't wait! ?#FinalDraw pic.twitter.com/rDWZGP9ett
— FIFA WORLD CUP (@FIFAWorldCupQTR) April 1, 2022
Ymateb i grŵp posib Cymru
Mae’r newyddiadurwr Guto Llewelyn yn credu bod Grŵp B yn “grŵp hyfryd”.
Os fydd Cymru'n cyrraedd Cwpan y Byd, mae grwp hyfryd yn aros iddyn nhw.
Casau'r syniad o rhannu grwp gyda Lloegr eto ond UDA ac Iran siwr o fod y tîmau gwana yn eu pots nhw.
Bydd Cymru/Yr Alban/Wcrain yn hapus iawn gyda hwna.
— Guto Llewelyn (@GutoLlewelyn) April 1, 2022
Fe wnaeth Gwion Dafydd ymateb yn wahanol iawn cyn ac ar ôl i’r grwpiau gael eu datgelu:
Scrap that. Fi’n casáu hwn. https://t.co/6fz9xqXlof
— Gwion Dafydd (@gwionllyrdafydd) April 1, 2022
Nid pawb sydd wedi cyffroi ynghylch gêm arall yn erbyn Lloegr chwaith:
Yn dod draw i’r syniad o adael i’r Wcrain fynd drwy. Byth eisiau chwarae’r Saeson ‘to. | Forfeit it. Give it to Ukraine. Sod playing those from across the border. ? #FIFAWorldCup
— Rhys Hartley (@HartleyR27) April 1, 2022
