Mae’r gwasanaethau brys yn annog pobol leol i aros yn eu cartrefi, ac i gau drysau a ffenestri eu tai fel rhagofal yn dilyn tân sylweddol ar safle ailgylchu yng Nghlydach ger Abertawe.
Cafodd y gwasanaeth tân eu galw i safle ailgylchu DBC Recycling am 12:09yp heddiw (dydd Llun, Mehefin 21).
Cafodd Heddlu De Cymru wybod am y tân ar Ystad Ddiwydiannol Players am oddeutu 12:15yp, ac mae plismyn yno yn helpu’r gwasanaeth tân gyda’r sefyllfa.
“Rydyn ni’n delio â thân mawr ar Ystad Ddiwydiannol Players yng Nghlydach,” meddai Gwasanaeth Tân ac Achub Canolbarth a Gorllewin Cymru.
“Rydyn ni’n gofyn i bobol yn yr ardal aros tu mewn, a chadw eu ffenestri a’u drysau ar gau.”
We are dealing with a large fire on the Players Industrial Estate in Clydach.
We are asking people in the vicinity to remain indoors and to keep windows and doors closed. ^NR pic.twitter.com/rxC17aac2G— Tân CGC / MAWWFire (@mawwfire) June 21, 2021
Yn ôl adroddiadau, mae’r tân i’w weld o’r draffordd gyfagos.
Dydy hi ddim yn glir ar hyn o bryd beth oedd wedi achosi’r tân.
“Fe wnaethon ni fynychu’r digwyddiad fel rhagofal gydag ein Tîm Ymateb mewn Ardaloedd Peryglus er mwyn cynorthwyo criwiau tân,” meddai llefarydd ar ran y Gwasanaeth Ambiwlans.
“Ni chafodd yr un ambiwlans ei gyrru yno.”
