Mae disgwyl gwyntoedd cryf iawn ar draws y rhan helaeth o Gymru rhwng y prynhawn yma a bore Mawrth.
Bydd rhybudd melyn yn dod i rym am hanner dydd heddiw (Dydd Llun, Gŵyl y Banc) ac yn para tan 9yb yfory (dydd Mawrth).
Mae’r rhybudd yn cynnwys y rhan fwyaf o Gymru – yn enwedig yr arfordir gorllewinol.
Am y tro cyntaf ers 5 – 6 wythnos mae 'na law trwm yn gorchuddio Cymru ar y lluniau lloeren bore 'ma!
Rhybudd melyn o wynt mewn grym hefyd tan 09:00 bore fory.
Glaw yn clirio glannau'r gorllewin erbyn hwyr pnawn i adael diwedd braf i'r dydd. pic.twitter.com/fVX9Zm5cmy
— S4C Tywydd (@S4Ctywydd) May 3, 2021
Dywed yr arbenigwyr bod perygl i’r tywydd gwael achosi difrod i adeiladau a choed a thrafferthion i deithwyr.
Mae disgwyl tonnau uchel iawn a chryf ar yr arfordir.
Yn ôl y Swyddfa Dywydd, mae gwyntoedd yn debygol o fod mor uchel â 60 i 65 mya.
